চিটাৰা ডেস্ক, 10 অক্টোবৰ : দক্ষিণৰ মেগাষ্টাৰ ৰজনীকান্তে শেহতীয়াকৈ ভাৰতৰ অন্যতম ডাঙৰ ব্যৱসায়ী ৰতন টাটাৰ মৃত্যুত শোক প্ৰকাশ কৰিছে । তেওঁ টাটাৰ এখন ফটো শ্বেয়াৰ কৰিছে আৰু তেওঁৰ সৈতে কটোৱা মুহূৰ্তবোৰ মনত পেলাইছে । তেওঁ লিখিছে, "এজন মহান প্ৰবীণ ব্যক্তি যিয়ে তেওঁৰ দূৰদৰ্শিতা আৰু আবেগেৰে ভাৰতক বিশ্বমানচিত্ৰলৈ লৈ আহিছিল । হাজাৰ হাজাৰ উদ্যোগপতিক অনুপ্ৰাণিত কৰা মানুহজন, যিজন মানুহে কেইবা প্ৰজন্ম ধৰি লাখ লাখ চাকৰি সৃষ্টি কৰিছিল । যিজন মানুহক সকলোৱে ভাল পাইছিল আৰু সন্মান কৰিছিল ।"
তেওঁ আৰু লিখিছে, "তেওঁৰ প্ৰতি মোৰ সম্পূৰ্ণ শ্ৰদ্ধা । এই মহান আত্মাৰ সৈতে কটোৱা প্ৰতিটো মুহূৰ্ত মই সদায় লালন-পালন কৰিম...এজন প্ৰকৃত ভাৰতৰ সন্তান আমাৰ মাজত আৰু নাই । শান্তিৰে জিৰণি লওক টাটা ছাৰ ।" বুধবাৰে 86 বছৰ বয়সত মৃত্যু ঘটে প্ৰবীণ উদ্যোগপতি তথা টাটা ছন্সৰ অধ্যক্ষ ৰতন টাটাৰ । স্বাস্থ্যৰ অৱনতি ঘটাৰ বাবে এই সপ্তাহত তেওঁক মুম্বাইৰ ব্ৰীচ কেণ্ডি হাস্পতালত ভৰ্তি কৰোৱা হৈছিল । ৰতন টাটাৰ অৱসানে চলচ্চিত্ৰ জগতত শোকৰ ছাঁ পেলাইছে ।
A great legendary icon who put India on the global map with his vision and passion ..
— Rajinikanth (@rajinikanth) October 10, 2024
The man who inspired thousands of industrialist ..
The man who created lakhs and lakhs of jobs for many generations ..
The man who was loved and respected by all ..
My deepest salutations to… pic.twitter.com/TCWNqXXRaw
এইসকল তাৰকাই কৰিছে শোক প্ৰকাশ
মেগাষ্টাৰ অমিতাভ বচ্চনে ৰতন টাটাৰ মৃত্যুত শোক প্ৰকাশ কৰিছে । অমিতাভ বচ্চনে ৰতন টাটাৰ সৈতে এখন ফটোও শ্বেয়াৰ কৰিছে । দক্ষিণৰ মেগাষ্টাৰ চিৰঞ্জীৱীয়ে এক্সত ৰতন টাটাৰ এখন পুৰণা ফটো পোষ্ট কৰে আৰু লগত এক আৱেগিক টোকা লিখে । তেওঁ লিখে, "এইটো সকলো ভাৰতীয়ৰ বাবে এক দুখৰ দিন । বহু প্ৰজন্মৰ পৰা এনে কোনো ভাৰতীয় নাই যাৰ জীৱন তেওঁলোকৰ সেৱাৰ দ্বাৰা কোনোবা নহয় কোনোবা প্ৰকাৰে প্ৰভাৱিত হোৱা নাই ৷" দক্ষিণৰ ছুপাৰষ্টাৰ কমল হাছানেও ৰতন টাটাৰ মৃত্যুত শোক প্ৰকাশ কৰিছে ।
প্ৰয়াত টাটাক শ্ৰদ্ধাঞ্জলি জনাই তেওঁৰ বাৰ্তা শ্বেয়াৰ কৰিছে ছুপাৰষ্টাৰ ৰজনীকান্তে । এইসকলৰ উপৰিও জুনিয়ৰ এন টি আৰ, নয়নতৰা, থালাপতি বিজয়, নাগাৰ্জুন আক্কিনেনী, সামান্থা ৰুথ প্ৰভু আৰু নাগা চৈতন্যইও ৰতন টাটাৰ মৃত্যুত শোক প্ৰকাশ কৰে ।
লগতে পঢ়ক : ৰতন টাটাৰ মৃত্যুত পোষ্ট দি সমালোচনাৰ সন্মুখীন বিগ বি
