চিটাৰা ডেস্ক, 8 এপ্ৰিল : অনুৰাগীৰ জল্পনা কল্পনা অন্ত পেলাই 8 এপ্ৰিলত মুক্তি পালে পুষ্পা দ্য ৰুল 2 ৰ টীজাৰ ৷ পুষ্পা ২ ৰ টীজাৰৰ মুক্তিৰ লগে লগে অনুৰাগী আৰু চলচ্চিত্ৰ প্ৰেমীসকল অধিক উৎসাহিত হৈ পৰিছে । টীজাৰটোৱে দৰ্শকক চিনেমাখন চাবলৈ আৰু অধিক আগ্ৰহী কৰি তুলিছে ৷
টীজাৰত আল্লু অৰ্জুনক এক আকৰ্ষণীয় অৱতাৰত দেখুওৱা হৈছে ৷ মহিলাৰ পোছাক পৰিধান আল্লুৱে দেৱীৰ ৰূপত নিজকে সজোৱা পৰিলক্ষিত হৈছে । বহুতো অনুৰাগীয়ে তেওঁৰ এই অৱতাৰক বাবে দেৱী কালীৰ সৈতে তুলনা কৰিছে । অৱশ্যে, তেলেগু অনুৰাগীসকলে কয় যে অভিনেতাগৰাকীৰ এই অৱতাৰটো তেওঁলোকৰ আৰাধ্যা গণগাম্মা দেৱী দ্বাৰা অনুপ্ৰাণিত হোৱাৰ দৰে দেখা গৈছে ৷ পৰম্পৰাগতভাৱে মে’ মাহত অনুষ্ঠিত তিৰুপতি জাথাৰাৰ সময়ত গণগাম্মা দেৱীৰ পূজা কৰা হয়।
- " class="align-text-top noRightClick twitterSection" data="">
অভিনেতাজনৰ এই পৰিৱৰ্তনৰ কাৰণ সুকুমাৰৰ ছবিখন মুক্তিৰ পিচতহে প্ৰকাশ পাব । পুষ্পা ২ টীজাৰত আল্লু অৰ্জুনৰ দেৱীসদৃশ ৰূপে সকলোকে আকৰ্ষিত কৰিছে ৷ অনুৰাগীসকলে পুষ্পা ২: দ্য ৰুলক "মাছ ব্লকবাষ্টাৰ" বুলি অভিবাদন জনাই ছচিয়েল মিডিয়া প্লেটফৰ্মত কমেণ্টেৰে উপচাই দিয়ে ৷
উল্লেখ্য যে, আজি 42 টা বসন্ত গৰকিলে ছুপাৰষ্টাৰ আল্লু অৰ্জুনে ৷ বিগত বৰ্ষত আল্লুৰ জন্মদিনত, অনুৰাগীসকলৰ বাবে পুষ্পা 2: দ্য ৰুলৰ বাবে "পুষ্পা ক'ত ?" শীৰ্ষক এক আভাস প্ৰচাৰ কৰা হৈছিল ৷ অৱশেষত এটা বছৰৰ অন্তত 8 এপ্ৰিলত ছবিখনৰ অফিচিয়েল টীজাৰ মুক্তি দিয়া হয় ৷ ইয়াৰ পূৰ্বে, নিৰ্মাতাসকলে পুষ্পা মাছ জাথাৰা নামৰ এটা প্ৰচাৰ অভিযান আৰম্ভ কৰিছিল ৷ তেওঁলোকে প্ৰতিদিনে একোখনকৈ আকৰ্ষণীয় পোষ্টাৰ প্ৰকাশ কৰিছিল ৷ আল্লু অৰ্জুনৰ জন্মদিন তথা 8 এপ্ৰিলত টীজাৰৰ মুকলি লৈকে এই পোষ্টাৰসমূহ নিৰ্মাণ কৰা হৈছিল ।
