চিটাৰা ডেস্ক, 17 মে’ : অভিনেতা প্ৰভাসে শুকুৰবাৰে ইনষ্টাগ্ৰামত অনুৰাগীসকলক 'কোনোবা অতি বিশেষ'ৰ তেওঁৰ জীৱনলৈ আগমনৰ কথা কৈ সকলোৰে উৎকণ্ঠা বঢ়ায় ৷ দক্ষিণৰ চুপাৰষ্টাৰে তেওঁৰ ইনষ্টাগ্ৰাম ষ্ট'ৰীটো বহু টুইষ্টৰ মাজেৰে শ্বেয়াৰ কৰে ৷ ছ'চিয়েল মিডিয়াত বাৰুকৈয়ে চৰ্চা হৈছে এই বিষয়ে ।
তেওঁৰ ঘোষণাই অনুৰাগী আৰু গুণমুগ্ধসকলক ভবাই তুলিছে ৷ সকলোৱে বিয়াৰ সম্ভাৱনাৰ পৰা আৰম্ভ কৰি তেওঁৰ আহিবলগীয়া চলচ্চিত্ৰ কাল্কি ২৮৯৮ এডিৰ নতুন চৰিত্ৰৰ বিষয়ে ভাবি পাৰ পোৱা নাই ৷
শুকুৰবাৰে ৰাতিপুৱা প্ৰভাসে এটা ষ্টৰী শ্বেয়াৰ কৰে য'ত লিখা আছিল: "ডাৰ্লিংছ !! অৱশেষত কোনোবা অতি বিশেষ ব্যক্তি আমাৰ জীৱনত প্ৰৱেশ কৰিবলৈ ওলাইছে... অপেক্ষা কৰক..." বাৰ্তাটোৱে অনুৰাগীসকলৰ মাজত উৎকণ্ঠা বৃদ্ধি কৰে আৰু অনুৰাগীসকল নিজ নিজ সিদ্ধান্তত উপনীত হয় ৷ ইয়াৰ পিচতে অনলাইন এই ষ্ট’ৰী সন্দৰ্ভত বহুতো আলোচনা হয় । প্ৰভাসৰ ইনষ্টাগ্ৰাম ষ্ট’ৰীৰ প্ৰতি প্ৰতিক্ৰিয়া ব্যক্ত কৰি, আদিপুৰুষ অভিনেতাজনৰ অনুৰাগীসকলে এক্সত স্ক্ৰীনশ্বট শ্বেয়াৰ কৰি বিষয়টো আন এটা স্তৰলৈ লৈ যায় ।
অভিনেতাগৰাকীৰ এজন অনুৰাগীয়ে তেওঁৰ শেহতীয়া পোষ্টটো শ্বেয়াৰ কৰি সকলোৰে মতামত বিচাৰে ৷ ছবিৰ প্ৰচাৰৰ পৰা আৰম্ভ কৰি তেওঁৰ ব্যক্তিগত জীৱনলৈকে সামৰি বিভিন্নজনে বিভিন্ন ধৰণৰ কমেণ্ট কৰে ৷ পোষ্টটোৰ ওপৰত মন্তব্য কৰি এজন ছ’চিয়েল মিডিয়া ব্যৱহাৰকাৰীয়ে লিখিছে- "নবৌ আহি আছে ।" আন এজনে আকৌ সোধে: "ভৈৰৱৰ আভাস ?" আন এজনে মন্তব্য কৰে: "নিশ্চিতভাৱে এটা ব্ৰেণ্ড প্ৰচাৰ ।" পিছে অভিনেতাজনে নিজে কোৱাৰ দৰে তেওঁ ইয়াৰ আঁৰৰ প্ৰকৃত কাৰণটো প্ৰকাশ কৰাৰ আগতে অনুৰাগীসকলে অপেক্ষা কৰিব লাগিব ।
ইয়াৰ মাজতে প্ৰভাসৰ অনুৰাগীসকলে তেওঁৰ শেহতীয়া এটা সাক্ষাৎকাৰৰ ভাইৰেল ভিডিঅ’ত মগ্ন হৈ পৰে ৷ ভিডিঅ’টোত প্ৰভাসক সতেজ নতুন ৰূপত দেখা গৈছে । অভিনেতাগৰাকীয়ে খুব কমহে ছ’চিয়েল মিডিয়াত পোষ্ট কৰে, গতিকে সাক্ষাৎকাৰটোত প্ৰভাসক যিটো লুকত দেখিবলৈ পোৱা গৈছে, তাক লৈয়ো অনুৰাগীসকল উৎকণ্ঠিত হৈ আছে ৷ ভিডিঅ’টোত প্ৰভাসক ক’লা চাৰ্ট পিন্ধি থকা দেখা গৈছে ।
বিষ্ণু মাঞ্চুৰ কানাপ্পাত অক্ষয় কুমাৰৰ পিচত নতুনকৈ সংযোজন হৈছে প্ৰভাসৰ ৷ ইতিমধ্যে শ্বুটিং আৰম্ভ কৰিছে তেওঁ ৷ ইয়াৰ উপৰিও, প্ৰভাস নাগ অশ্বিনৰ কল্কি 2898 এডিৰ সৈতে ব্যস্ত । এই ছবিখন পৌৰাণিক কাহিনীৰ পৰা অনুপ্ৰাণিত বিজ্ঞান-কল্পকাহিনীৰ ভৱিষ্যতৰ এক্সট্ৰাভাগান্জা বুলি প্ৰচাৰ কৰা হৈছে ।
লগতে পঢ়ক : কিৰণ ৰাওৱে জানে দৰ্শকে কি বিচাৰে... - laapataa ladies director Kiron Rao
