চিটাৰা ডেস্ক, ১৫ ফেব্ৰুৱাৰী: আলিয়া ভাটৰ ৱেব ছিৰিজ ‘পোচাৰ’ৰ জোৰদাৰ ট্ৰেইলাৰ আজি মুকলি কৰা হৈছে । এই ৱেব ছিৰিজখন বনাইছে এমি বঁটা বিজয়ী চলচ্চিত্ৰ নিৰ্মাতা ৰিচি মেহতাই । পোচাৰৰ প্ৰযোজনা কৰিছে অস্কাৰ বিজয়ী প্ৰডাকশ্যন আৰু ফাইনেন্স কোম্পানী কিউচি এণ্টাৰটেইনমেণ্টে, যিয়ে জৰ্ডান পিলৰ ‘গেট আউট’ আৰু স্পাইক লীৰ ‘ব্লেকক্লানছমেন’ৰ দৰে হিট ছবি প্ৰযোজনা কৰিছে । অভিনেত্ৰী আলিয়া ভাট এই ধাৰাবাহিকখনৰ কাৰ্যবাহী প্ৰযোজক । সঁচা ঘটনাৰ আধাৰত নিৰ্মিত ক্ৰাইম নাটক পোচাৰত ভাৰতৰ ইতিহাসৰ আটাইতকৈ ডাঙৰ হাতীদাঁতৰ চোৰাং চিকাৰৰ বিষয়ে দেখুওৱা হ’ব ।
কেতিয়া মুক্তি পাব পোচাৰ ?
মূলতঃ মালয়ালম, হিন্দী আৰু ইংৰাজী ভাষাত নিৰ্মিত এই ক্ৰাইম ছিৰিজখন ২৩ ফেব্ৰুৱাৰীত ভাৰত আৰু বিশ্বৰ ২৪০ খনতকৈও অধিক দেশত প্ৰাইম ভিডিঅ’ত প্ৰিমিয়াৰ হ’ব । ইয়াৰ উপৰিও ইংৰাজী, তামিল, তেলুগু, কানাড়া আৰু হিন্দী ভাষাত উপলব্ধ হ’ব আৰু ইয়াৰ উপশিৰোনামা থাকিব ৩৫ টাতকৈও অধিক ভাষাত ।
ট্ৰেইলাৰটোত হাতীৰ নিৰ্মম হত্যা আৰু চলি থকা হত্যাকাণ্ডৰ হৃদয়বিদাৰক বাস্তৱ ঘটনাৰ আভাস দেখুওৱা হৈছে । বন অপৰাধ সংগ্ৰামী, আৰক্ষী কৰ্মীকে ধৰি বন্যপ্ৰাণী ৰক্ষকৰ এক বৈচিত্ৰময় গোটে ভাৰতৰ ইতিহাসৰ সৰ্ববৃহৎ হাতীদাঁত চোৰাংচিকাৰী দলটোক উদঙাই দিয়াৰ অদম্য অভিযানত নামি পৰে ।
ইয়াত চাওক ট্ৰেইলাৰ
- " class="align-text-top noRightClick twitterSection" data="">
আলিয়া কাৰ্যবাহী প্ৰযোজক
এই ধাৰাবাহিকখনৰ বিষয়ে কাৰ্যবাহী প্ৰযোজক আলিয়া ভাটে কয়, ‘‘পোচাৰে পশু চোৰাং চিকাৰ আৰু অবৈধ বন্যপ্ৰাণী ব্যৱসায়ৰ গুৰুতৰ আৰু হৃদয়বিদাৰক বিষয়টোক সম্বোধন কৰিছে । উল্লেখ্য যে, ছবিখনৰ ট্ৰেইলাৰ মুকলিৰ সময়ত ছবিখনৰ তাৰকা অভিনেতা-অভিনেত্ৰী আৰু দলৰ সৈতে উপস্থিত আছিল আলিয়া ভাট ।
লগতে পঢ়ক: মুক্তিৰ পূৰ্বেও সিদ্ধাৰ্থ মালহোত্ৰাৰ যোদ্ধাই ৰচিলে ইতিহাস, অনন্য শৈলীত পোষ্টাৰ মুকলি
