নিউজ ডেস্ক, 10 এপ্ৰিল : প্ৰতিবৰ্ষত 10 এপ্ৰিলৰ দিনটোত উদযাপন কৰা হয় ৰাষ্ট্ৰীয় ভাতৃ-ভগ্নী দিৱস ৷ এই বিশেষ দিনটোত সকলোৱে নিজৰ ভাতৃ-ভগ্নীক শুভেচ্ছা জনায় ৷
ইয়াৰ সমান্তাৰলকে আজিৰ দিনটোত সামাজিক মাধ্যমত বলীউডৰ তাৰকাসকলে নিজ ভাতৃ-ভগ্নীৰ লগত ফটো, ভিডিঅ’ দিয়াৰ লগতে কৃতজ্ঞতা জ্ঞাপন কৰা দেখা গৈছে ৷ কোনগৰাকী তাৰকাই কেনেদৰে আজিৰ বিশেষ দিনটো পালন কৰিছে চাওঁ আহক ৷
বলীউডৰ অভিনেতা বৰুণ ধাৱানে তেওঁৰ ভাতৃ, চলচ্চিত্ৰ নিৰ্মাতা ৰোহিত ধাৱনৰ প্ৰতি কৃতজ্ঞতা জ্ঞাপন কৰি কয় যে, ভাতৃৰ বিশ্বাসৰ ফলতেই বৰুণে সফলতা লাভ কৰিছে, ভাতৃৰ অবিহনে বৰুণে বৰ্তমানৰ স্থিতিত উপনীত নহ'লহেঁতেন বুলি এক আবেগভৰা পোষ্ট লিখে ।
বৰুণ আৰু ৰোহিতে ২০১৬ চনত দিছুম নামৰ এখন ব্যংগ-এক্সন চলচ্চিত্ৰত একেলকে কাম কৰিছিল ৷ য'ত জন আব্ৰাহাম, জেকলিন ফাৰ্ণাণ্ডেজ, অক্ষয় খান্না আৰু চাকিব ছালিমেও অভিনয় কৰিছিল ৷
অভিনেত্ৰী তাপসী পান্নুৱে তেওঁৰ ভগ্নী শগুন পান্নুৰ সৈতে থকা এটা ভিডিঅ’ পোষ্ট কৰিছে ৷ এই পোষ্টটোত দুয়োৰে মাজত থকা বন্ধন আৰু আন্তৰিকতা পৰিস্ফুত হৈছে ৷ দুয়োজনে তেওঁলোকৰ পছন্দ, অপছন্দ আৰু জীৱনৰ সূক্ষ্ম দিশসমূহৰ বিষয়ে আলোচনা কৰি এক স্পষ্ট কথোপকথন কৰা দেখা গৈছে ৷
তাপসীক আহিবলগীয়া ছবি ফিৰ আয়ি হাছিন দিলৰুবাত দেখা যাব ৷ এই ছবিখন 2021 চনত নেটফ্লিক্সত এক্সক্লুছিভভাৱে মুক্তি লাভ কৰা হাছিন দিলৰুবাৰ চিকুৱেল বুলি জানিব পৰা গৈছে ৷ প্ৰথমখনত বিক্ৰান্ত, তাপসী পান্নু আৰু হৰ্ষবৰ্ধন ৰাণেই অভিনয় কৰিছিল ৷ আহিবলগীয়া চিকুৱেলখনত তাপসীৰ সৈতে বিক্ৰান্ত আৰু ছানী কৌশলে মুখ্য চৰিত্ৰত অভিনয় কৰিব ।
লগতে পঢ়ক: প্ৰথমবাৰৰ বাবে ৰামচৰণৰ কন্যাৰ মুখ দেখিলে অনুৰাগীয়ে - Ram Charan Daughter Face reveal
