চিটাৰা ডেস্ক, 8 আগষ্ট : টলীউডৰ অনুৰাগীসকলৰ বাবে এক উত্তেজনাপূৰ্ণ খবৰ ৷ অভিনেতা নাগা চৈতন্যই অভিনেত্ৰী শোভিতা ধুলিপালাক বিয়া কৰাবলৈ সাজু হৈছে বুলি জানিব পৰা গৈছে । নাগা চৈতন্যৰ ঘনিষ্ঠ সূত্ৰই নিশ্চিত কৰিছে যে বিবাহৰ পৰিকল্পনা চূড়ান্ত কৰিবলৈ দুয়োটা পৰিয়াল আজি ব্যক্তিগতভাৱে মিলিত হ'ব । আক্কিনেনী পৰিয়ালৰ অনুৰাগীসকলে আগ্ৰহেৰে এটা আনুষ্ঠানিক ঘোষণাৰ বাবে অপেক্ষা কৰি আছে ৷
বাতৰিটো সোনকালেই ছ'চিয়েল মিডিয়াত ভাইৰেল হৈ পৰিছে ৷ নেটিজেনসকলে নাগা চৈতন্য আৰু শোভিতা ধুলিপালাক অভিনন্দন জ্ঞাপন কৰিছে । খবৰটো বিয়পি পৰাৰ লগে লগে, অনুৰাগী আৰু শুভাকাংক্ষীসকলে তাৰকাদ্বয়ৰ বিবাহৰ বিষয়ে অধিক বিৱৰণৰ বাবে অপেক্ষা কৰি আছে ৷
সামান্থা ৰুথ প্ৰভূৰ সৈতে বিবাহ বিচ্ছেদৰ বাতৰিৰ সময়তে শোভিতা ধুলিপালাৰ কথা চৰ্চালৈ আহিছিল ৷ সেইখিনি সময়তে নাগাৰ সৈতে প্ৰেমৰ বাতৰিৰ বাবে সামান্থাৰ অনুৰাগীসকলে শোভিতাক বেয়াকৈ ট্ৰ’ল কৰিছিল ৷ নাগা আৰু চৈতন্য একেলগে থকা কিছু সময় হ’ল । এই বছৰৰ আৰম্ভণিতে নাগা আৰু শোভিতাৰ ফটো অনলাইনত লিক হৈছিল ।
অৱশ্যে, তেওঁলোকে কেতিয়াও সংবাদ মাধ্যমৰ সন্মুখত তেওঁলোকৰ সম্পৰ্কৰ বিষয়ে মুকলিকৈ প্ৰকাশ কৰা নাই । এটা সূত্ৰই কেইমাহমান আগতে এটা বাতৰি পৰ্টেলক কৈছিল যে নাগা আৰু শোভিতাই এজনে আনজনৰ মাজত সুখ বিচাৰি পাইছে আৰু তেওঁলোকে সময় কটাবলৈ ভাল পায় ৷ তেওঁলোক দুয়োৱে একেলগে ভ্ৰমণ কৰি থাকে । কিন্তু তেওঁলোকে তেওঁলোকৰ ব্যক্তিগত জীৱনটো ৰাইজৰ চকুৰ পৰা আঁতৰাই ৰাখিবলৈ বিচাৰে ।
লগতে পঢ়ক : Samantha and Naga Chaitanya Took Divorce: নাগা চৈতন্য আৰু সামান্থাৰ ডিভোৰ্ছ কিয় হৈছিল ?
ইয়াৰ পূৰ্বে চৈতন্যই অভিনেতা সামান্থা ৰুথ প্ৰভুৰ সৈতে বিবাহপাশত আৱদ্ধ হৈছিল । তেওঁলোকে 2009 চনত ৰোমাণ্টিক ছবি Ye Maaya Chesave ৰ ছেটত লগ পাইছিল আৰু তাৰ অলপ পিচতে ডেটিং আৰম্ভ কৰিছিল । তেওঁলোক 2017 চনত বিবাহ পাশত আৱদ্ধ হৈছিল আৰু 2021 চনত এক যৌথ বিবৃতিৰে তেওঁলোকৰ বিচ্ছেদৰ কথা ঘোষণা কৰে ৷ বিভাজনৰ কাৰণ আজিলৈকে কোনো এটা পক্ষই প্ৰকাশ নকৰিলে ।
2013 চনত ফেমিনা মিছ ইণ্ডিয়া খিতাপ অৰ্জন কৰা শোভিতা ধুলিপালাই 2016 চনত চলচ্চিত্ৰ উদ্যোগত প্ৰৱেশ কৰিছিল । তেতিয়াৰ পৰা তেওঁ ব্যাপক স্বীকৃতি লাভ কৰিছে আৰু বৰ্তমান টলীউড, বলীউড আৰু হলীউডৰ পৰা প্ৰস্তাৱ লাভ কৰি আছে ৷ শোভিতাই শেষবাৰৰ বাবে মাংকি মেন ছবিত চিকন্দৰ খেৰ, দেৱ পেটেল, শ্বাৰল্ট কপলি, মাকাৰন্দ দেশপাণ্ডে, অশ্বিনী কালছেকাৰ আদিৰ সৈতে অভিনয় কৰিছিল । ইয়াৰ পিছত তেওঁ আৰ এছ ভি পি মুভিজৰ প্ৰযোজনা বন্দনা কাটাৰিয়াৰ চিটাৰাত অভিনয় কৰিব ।
আনহাতে, নাগা চৈতন্য তেওঁৰ শেহতীয়া চলচ্চিত্ৰ প্ৰকল্প ‘থাণ্ডেল’ত ব্যস্ত, যিটো চন্দু মন্দেতিয়ে পৰিচালনা কৰিছে । ছবিখনত চাই পল্লৱীয়েও অভিনয় কৰিছে । থাণ্ডেল ছবিখন বনি ভাচুৰ দ্বাৰা বেংকৰোল কৰা হৈছে আৰু গীতা আৰ্টছ বেনাৰৰ অধীনত আল্লু অৰ্জুনে উপস্থাপন কৰিছে আৰু এই ছবিখন বাস্তৱ ঘটনাৰ ওপৰত আধাৰিত ।
লগতে পঢ়ক : প্ৰেমত বিবাহ বিচ্ছেদৰ দুখো সোনকালেই পাহৰি গ’ল নাগা চৈতন্যই - Naga Chaitanya instagram
