চিটাৰা ডেস্ক, 10 জুলাই : সামাজিক মাধ্যম গৰম কৰি ৰখা বিকীৰ কৌশলৰ পত্নী তথা অভিনেত্ৰী কেটৰিণা আছেগৈ জাৰ্মানীত ৷ জাৰ্মানীৰ পৰা কেটৰিণা কাইফে বহুদিনৰ বিৰতিৰ মূৰত আজি বুধবাৰে 'গুড মৰ্ণিং' পোষ্ট দিয়ে ৷ জাৰ্মানীৰ মুনিচৰ পৰা ইনষ্টাগ্ৰামত এই ধুনীয়া ফটোখন শ্বেয়াৰ কৰিছে অভিনেত্ৰীগৰাকীয়ে । স্বামী বিকী কৌশলে তৎক্ষণাত সকলো ৰঙৰ হৃদয়ৰ ইম’জীৰে এই পোষ্টটোত সঁহাৰি দিয়ে ।
আম্বানী ঘৰৰ বিয়াৰ অনুষ্ঠানবোৰত অনুপস্থিত আছে বলীউড অভিনেত্ৰী কেটৰিণা কাইফ ৷ অনুৰাগীয়ে আজিহে জানিব পাৰিলে তাৰ আঁৰৰ কাৰণটো ৷ কিছু সময় ধৰি ব্যক্তিগত ফটো শ্বেয়াৰ নকৰা অভিনেত্ৰীগৰাকীয়ে এই আপডেটটোৰে সকলোকে ৰোমাঞ্চিত কৰি তোলে । ফটোখনৰ কাষত অনুৰাগীসকললৈ বুলি এক উষ্ণ "গুড মৰ্ণিং" বাৰ্তা প্ৰেৰণ কৰে তেওঁ । বিকী কৌশলৰ ফটোখন দেখি মূৰ্চা যোৱাৰ দৰে অৱস্থা, নিজকে ৰখাব নোৱাৰি পোষ্টটোত তৎক্ষণাৎ প্ৰতিক্ৰিয়া প্ৰকাশ কৰে তেওঁ ৷
লগতে পঢ়ক : বিকীৰ নৃত্য-ছলমানৰ মুখত তৌবা তৌবা - Vicky Kaushal tauba tauba
এইকেইদিন সামাজিক মাধ্যমত কেটৰিণাৰ স্বামীয়ে খলকনি লগাই আছে ৷ ইয়াক লৈ কেটৰিণাৰ প্ৰতিক্ৰিয়া জানিবলৈ উৎসুক হৈ আছিল অনুৰাগী ৷ অৱশেষত খোদ বিকীয়ে ক’লে তেওঁৰ অৰ্ধাংগিনীয়ে কেনে পাইছে তেওঁৰ প্ৰদৰ্শন ৷ বৰ্তমান বেড নিউজ চলচ্চিত্ৰৰ তৌবা তৌবা গানটোত তেওঁৰ আকৰ্ষণীয় নৃত্যৰে সকলোকে মুহি পেলাইছে বিকীয়ে ৷ শেহতীয়াকৈ এটা নিউজৱায়াৰৰ সৈতে হোৱা এক সাক্ষাৎকাৰত, তেওঁ প্ৰকাশ কৰে যে যেতিয়া কেটৰিণাই গানটোত তেওঁৰ অভিনয়ৰ বাবে অনুমোদন জনাইছিল তেতিয়া তেওঁ এক বিশাল সকাহ অনুভৱ কৰিছিল । বিকীয়ে তেওঁৰ অভিনয়ৰ দ্বাৰা কেটৰিণাক সুখী কৰিব পাৰে বুলি উল্লেখ কৰে আৰু তেওঁ কয় যে তেওঁ সকলো ঠিকে মতেই কৰিবলৈ সক্ষম হৈছে ।
ইফালে, কেটৰিণাৰ পেছাদাৰী জীৱনৰ কথা ক’বলৈ গ’লে তেওঁক শেষবাৰৰ বাবে শ্ৰীৰাম ৰাঘৱনৰ মেৰী খ্ৰীষ্টমাছত বিজয় সেতুপতিৰ সৈতে দেখা গৈছিল । তেওঁৰ আহিবলগীয়া প্ৰকল্প ফাৰহান আখটাৰৰ জী লে জাৰা বহু চৰ্চাত আছে ৷ আলিয়া ভাট আৰু প্ৰিয়ংকা চোপ্ৰা জোনাছৰ সৈতে স্ক্ৰীণ শ্বেয়াৰ কৰিব বুলি বাতৰি প্ৰকাশ হৈ আছে ৷ অৱশ্যে যদিও ছবিখন তিনি বছৰ আগতে ঘোষণা কৰা হৈছিল, প্ৰযোজনা এতিয়াও আৰম্ভ হোৱা নাই ।
লগতে পঢ়ক : ‘তৌবা তৌবা’ ত নাচিবলৈ পত্নীৰ অনুমোদন লৈছিল বিকীয়ে ! - Katrina Kaif on vicky dance
