চিটাৰা ডেস্ক, ১৪ ফেব্ৰুৱাৰী : শেহতীয়াকৈ মনোৰঞ্জন জগতৰ পৰা এটা ডাঙৰ খবৰ আহিছে। খবৰ অনুসৰি ৰাষ্ট্ৰীয় চলচ্চিত্ৰ বঁটাত বহু পৰিৱৰ্তন কৰা হৈছে । তাৰ ভিতৰত এটা ডাঙৰ পৰিৱৰ্তন হৈছে যে এতিয়াৰে পৰা প্ৰাক্তন প্ৰধানমন্ত্ৰী ইন্দিৰা গান্ধী আৰু প্ৰয়াত অভিনেত্ৰী নাৰ্গিছ দত্তৰ নামত ৰাষ্ট্ৰীয় চলচ্চিত্ৰ বঁটা দিয়া নহয় ।
হয়, কেৱল ইমানেই নহয়, ইয়াৰ উপৰিও বহু বঁটাত সাল-সলনি কৰা হৈছে । কোনবোৰ বঁটাত কি পৰিৱৰ্তন হৈছে এই প্ৰতিবেদনত জানি লওক ৷
ৰাষ্ট্ৰীয় চলচ্চিত্ৰ বঁটা শাখাৰ পৰা আঁতৰোৱা হ’ল ইন্দিৰা গান্ধী-নাৰ্গিছ দত্তৰ নাম
প্ৰথমে জানো আহক ৰাষ্ট্ৰীয় চলচ্চিত্ৰ বঁটাৰ পৰিৱৰ্তনৰ বিষয়ে । এতিয়াৰে পৰা ৰাষ্ট্ৰীয় বঁটাত প্ৰাক্তন প্ৰধানমন্ত্ৰী ইন্দিৰা গান্ধী আৰু প্ৰয়াত অভিনেত্ৰী নাৰ্গিছ দত্তৰ নাম ব্যৱহাৰ কৰা নহ’ব । তথ্য আৰু সম্প্ৰচাৰ মন্ত্ৰালয়ৰ সমিতিৰ আলোচনাৰ অন্তত এই সিদ্ধান্ত লোৱা হৈছে যে সামাজিক, জাতীয় আৰু সামাজিক মূল্যবোধৰ প্ৰসাৰৰ স্বাৰ্থত এই সন্মানক এতিয়া ‘শ্ৰেষ্ঠ বৈশিষ্ট্যপূৰ্ণ চলচ্চিত্ৰ বঁটা’ হিচাপে পৰিচিত হ’ব ।
এতিয়া ‘এজন পৰিচালকৰ শ্ৰেষ্ঠ আত্মপ্ৰকাশৰ ছবিৰ বাবে ইন্দিৰা গান্ধী বঁটা’ৰ পৰিৱৰ্তে ‘এজন পৰিচালকৰ শ্ৰেষ্ঠ আত্মপ্ৰকাশৰ ছবি’ বঁটা প্ৰদান কৰা হ’ব ।
এই বঁটাসমূহতো পৰিৱৰ্তন কৰা হৈছে
ৰাষ্ট্ৰীয় চলচ্চিত্ৰ বঁটাৰ উপৰিও দাদাচাহেব ফাল্কে বঁটাতো সাল-সলনি কৰা হৈছে । দাদাচাহেব ফাল্কে বঁটাৰ নগদ পুৰস্কাৰ ১০ লাখৰ পৰা ১৫ লাখলৈ বৃদ্ধি কৰা হৈছে । য'ত বিভিন্ন শিতানত স্বৰ্ণ কমল বঁটাৰ বাবে ধনৰাশি ৩ লাখ আৰু ৰজত কমল বিজয়ীসকলৰ বাবে ২ লাখ টকালৈ বৃদ্ধি কৰা হৈছে । পূৰ্বে প্ৰযোজক আৰু পৰিচালকৰ মাজত ভাগ কৰা এই বঁটাৰ বাবে ধনৰাশি এতিয়া কেৱল পৰিচালকৰ হাতলৈ যাব ।
এই সকলোবোৰৰ উপৰিও আগতে তিনিটা উপ-শাখা অন্তৰ্ভুক্ত কৰা শ্ৰেষ্ঠ অডিঅ’গ্ৰাফী এতিয়া শ্ৰেষ্ঠ শব্দ ডিজাইন হিচাপে পৰিচিত হ’ব ৷ লগতে পুৰস্কাৰ ধন ৫০ হাজাৰ টকাৰ পৰা ২ লাখ টকালৈ বৃদ্ধি কৰা হৈছে ৷ যাৰ দ্বাৰা শব্দ ডিজাইনাৰগৰাকীক পুৰস্কৃত কৰা হ’ব ।
লগতে পঢ়ক: দেশৰ প্ৰধানমন্ত্ৰী হ’ব বিচৰা সন্দৰ্ভত কি ক’লে কংগনাই ?
