চিটাৰা ডেস্ক, ১ মাৰ্চ : জুলাই মাহত বীৰেন মাৰ্চেণ্ট আৰু শৈলা মাৰ্চেণ্টৰ কন্যা ৰাধিকা মাৰ্চেণ্টৰ সৈতে বিবাহপাশত আবদ্ধ হ’ব মুকেশ আম্বানী আৰু নীতা আম্বানীৰ কনিষ্ঠ পুত্ৰ অনন্ত আম্বানী । ইফালে আজিৰ পৰা অৰ্থাৎ ১ মাৰ্চৰ পৰা আৰম্ভ হৈছে ৰাধিকা-অনন্তৰ প্ৰি-ৱেডিং অনুষ্ঠান ৷ এই অনুষ্ঠান ৩ মাৰ্চলৈকে চলিব ৷
অনন্ত আৰু ৰাধিকাৰ প্ৰি-ৱেডিং অনুষ্ঠানত অংশগ্ৰহণৰ বাবে ইতিমধ্যেই ভাৰত আৰু বিদেশৰ বহু বৃহৎ ব্যক্তিয়ে জামনগৰত উপস্থিত হৈছে । অমিতাভ বচ্চন, ছলমান খান, শ্বাহৰুখকে ধৰি দীপিকা পাডুকনকে ধৰি বহু তাৰকাও জামনগৰত উপস্থিত হৈছে ।
অনন্ত আৰু ৰাধিকাৰ বিবাহৰ পূৰ্বৰ উদযাপনত অনুষ্ঠান পৰিৱেশন কৰিবলৈ হলিউডৰ গায়িকা ৰিহানাও উপস্থিত হৈছে । কিন্তু আপুনি জানেনে অনন্ত-ৰাধিকাৰ প্ৰি-ৱেডিং অনুষ্ঠানত গীত পৰিৱেশন কৰিবলৈ ৰিহানাই কিমান পাৰিশ্ৰমিক লৈছে ?অনন্ত-ৰাধিকাৰ প্ৰি-ৱেডিং অনুষ্ঠানত অৰিজিত সিং, প্ৰীতম, বি প্ৰাক, দিলজিৎ দোসাঞ্জ, হৰিহৰণ আৰু অজয়-অতুলেও গীত পৰিৱেশন কৰা দেখা যাব ।
আন্তঃৰাষ্ট্ৰীয় পপ তাৰকা ৰিহানাও এই তালিকাৰ শীৰ্ষত আছে ৷ যি বিশ্বৰ অন্যতম সৰ্বাধিক পাৰিশ্ৰমিক লোৱা সংগীত শিল্পী । বৃহস্পতিবাৰে জামনগৰ বিমানবন্দৰত ৰবিন ৰিহানা ফেণ্টীক দেখা পোৱা গৈছে আৰু এতিয়া তেওঁৰ ভিডিঅ’ ছ’চিয়েল মিডিয়াত ভাইৰেল হৈ পৰিছে ।
অনন্ত আম্বানী আৰু ৰাধিকা মাৰ্চেণ্টৰ প্ৰি-ৱেডিং পাৰ্টিত গীত পৰিৱেশন কৰিবলৈ বাৰ্বাডিয়ান গায়িকা, ব্যৱসায়ী আৰু অভিনেত্ৰীয়ে বিপুল পৰিমাণৰ ধন লয় । যদিও কিমান ধন লৈছে সেই কথা গোপনে ৰখা হৈছে ৷ কিন্তু সংবাদ মাধ্যমৰ খবৰ অনুসৰি ব্যক্তিগত অনুষ্ঠানত অনুষ্ঠান পৰিৱেশন কৰাৰ বাবে ৰিহানাই ১২ কোটি টকাৰ পৰা ৬৬ কোটি টকালৈকে লয় ।
ৰিহানাৰ আখৰাৰ ভিডিঅ’ ভাইৰেল হৈ পৰিছে
এই সকলোবোৰৰ মাজতে অনন্ত-ৰাধিকাৰ প্ৰি-ৱেডিং অনুষ্ঠানত গীত পৰিৱেশন কৰাৰ পূৰ্বে ৰিহানাৰ আখৰাৰ বহু ভিডিঅ’ এতিয়া ভাইৰেল হৈ পৰিছে ছ’চিয়েল মিডিয়াত । আচলতে ৰিহানাই নিজৰ দল আৰু মঞ্চৰ সকলো সামগ্ৰী লৈ আহিছে । শব্দ পৰীক্ষাৰ বাবে আৰু আটাইতকৈ প্ৰত্যাশিত প্ৰদৰ্শনৰ আখৰাৰ বাবে বৃহস্পতিবাৰে সন্ধিয়া দেৰিকৈ মঞ্চত উপস্থিত হৈছিল ৰিহানা । সভাস্থলীৰ দুটা ভিডিঅ’ ছ’চিয়েল মিডিয়াত ভাইৰেল হৈ পৰিছে, য’ত দেখা গৈছে যে ৰিহানাৰ গীত পৰিৱেশনৰ বাবে এখন ডাঙৰ মঞ্চ প্ৰস্তুত কৰা হৈছে ।
লগতে পঢ়ক: আম্বানী পৰিয়ালৰ সৰু বোৱাৰীয়ে জিনিলে অনুৰাগীৰ হৃদয়, চাওক ভিডিঅ’
