চিটাৰা ডেস্ক, 1 এপ্ৰিল : সমগ্ৰ বিশ্বই আজি এপ্ৰিল ফুলছ ডে’ উদযাপন কৰিছে ৷ সকলোৱে নিজৰ ভাল লগা বন্ধু-বান্ধৱৰ সৈতে এপ্ৰিল ফুলছ ডে’ উদযাপন কৰিছে ৷ কিন্তু ধেমালিৰ মাজতে সকলোৱে মনত ৰখা উচিত যে কাৰোবাক বুৰ্বক বনোৱাৰ নামত সীমা চেৰাই যোৱাটো কেতিয়াও গ্ৰহণীয় নহয়, নহ’লে ধেমালিৰ মদকতা নাইকিয়া হৈ যায় ৷
আজিৰ দিনটোত বড়ে মিঞা আৰু চোটে মিঞাৰ মাজৰ ধেমালিয়ে অনুৰাগী দৃষ্টি আকৰ্ষণ কৰিবলৈ সক্ষম হৈছে ৷ আনদিনাৰ দৰে আজিও চোটে মিঞা টাইগাৰৰ জালত পৰিল বড়ে মিঞা অক্ষয় কুমাৰ ৷ টাইগাৰে অক্ষয়ৰ লগতে কৰিলে কি সেইটো চাবলৈ আপোনালোকে তলৰ ইনষ্টাগ্ৰাম লিংকটোত ক্লিক কৰক-
আগন্তুক ছবি Bade Miyan Chote Miyan ত অক্ষয় কুমাৰ আৰু টাইগাৰ শ্ৰফৰ যুটিক অনুৰাগীয়ে পছন্দ কৰিছে ৷ দুয়োকে এক্সন পেকড ৰূপত দেখিবলৈ পোৱা যাব ছবিখনত ৷ আজি এপ্ৰিল ফুলৰ দিনটোত বড়ে মিঞা অক্ষয় কুমাৰক বুৰ্বক বনাই এটা ধেমেলীয়া ভিডিঅ’ নিজৰ ইনষ্টাগ্ৰাম হেণ্ডলত শ্বেয়াৰ কৰিছে টাইগাৰ শ্ৰফে ৷ ভিডিঅ’টোত চাৰ্টলেচ লুকত দেখিবলৈ পোৱা গৈছে টাইগাৰক ৷
এটা ডাঙৰ ক’ল্ডড্ৰিংকছৰ বটল জোকাৰি জোকাৰি এঠাইত থৈ দিয়ে টাইগাৰে ৷ তাৰ অলপ পিচতে গাৰ্ডেনত অক্ষয় কুমাৰৰ এণ্ট্ৰি ঘটে ৷ গাৰ্ডেনত টাইগাৰৰ সৈতে আৰু বহুতে খেলি আছিল ৷ খেলত যোগ দিবলৈ অক্ষয়ো যায়, তেনেকুৱাতে টাইগাৰে তেওঁক ক’ল্ডড্ৰিংকছৰ বটলটো লৈ আহিবলৈ কয় ৷ বটলটো টাইগাৰলৈ আগবঢ়াই দিয়াৰ পাচত টাইগাৰে বটলটো খুলি দিবলৈ কয় ৷ জোকাৰি থোৱা গেছ ভৰ্তি বটলটো খুলি দিয়াৰ পিচত কি হৈছে আপোনালোকে নিশ্চয় অনুমান কৰিব পাৰিছেই ৷ তেনেকুৱাতে বেকগ্ৰাউণ্ডত বাজি উঠে এপ্ৰিল ফুল বনায়া...তো উনকো গুচ্ছা আয়া...
যিমান লাগি থাকিলেও কিন্তু বড়ে মিঞা আৰু চোটে মিঞা সদায় একেলগেই থাকে ৷ আজিৰ এই ধেমেলীয়া কাণ্ডৰ পিচত এতিয়া বড়ে মিঞাই চোটে মিঞাক কিদৰে প্ৰতিশোধ লয় সেয়াহে চাবলগীয়া হ’ব ৷ এইটো ঈদতে মুক্তি পাব টাইগাৰ শ্ৰফ আৰু অক্ষয় কুমাৰ অভিনীত Bade Miyan Chote Miyan ৷
লগতে পঢ়ক : এপ্ৰিল ফুলছ ডে’ ২০২৪: সীমাহীন হাঁহি, কৌতুক আৰু সুখেৰে ভৰা এটা দিন - April Fools Day
