চিটাৰা ডেস্ক, ১৫ ফেব্ৰুৱাৰী: Bigg Boss ৰ ১৭ সংখ্যক ছিজন শেষ হোৱাৰ লগে লগে সকলো প্ৰতিযোগী নিজ নিজ জীৱনত ব্যস্ত হৈ পৰিছে । বিগ বছৰ ঘৰৰ পৰা ওলাই অহাৰ পিচতে কোনোবাই যদি ছবিৰ অফাৰ লাভ কৰিছে, আন কোনোবাই আকৌ মিউজিক ভিডিঅ’ৰ অফাৰ লাভ কৰিছে ৷ মুঠতে বহুতে ডাঙৰ ডাঙৰ প্ৰজেক্টৰ অফাৰ লাভ কৰিছে ৷
এফালে অভিষেক কুমাৰ-মন্নাৰা চোপ্ৰাৰ ৰোমান্টিক গীত ‘সাঁৱৰে’ মুকলি হৈছে ৷ আনফালে, মুনাৱাৰ ফাৰুকীয়ে অচিৰেই ‘য়ে ৰিশতা ক্যা কেহলাতা হে’ খ্যাত অভিনেত্ৰী হিনা খানৰ সৈতে ‘বাৰিশ’ গীতটিত ৰোমান্স কৰা দেখা যাব ।
অৱশ্যে এই সকলোবোৰৰ মাজতে শেহতীয়াকৈ মুক্তি পাইছে uk ৰাইডাৰ ০৭ ওৰফে অনুৰাগ ডোভাল আৰু বিগ বছৰ প্ৰাক্তন প্ৰতিযোগী তথা অসম সন্তান খানজাদীৰ ‘ৰংৰেজা’ গীত । এই গীতটিত দুয়োৰে আচৰিত কেমিষ্ট্ৰিয়ে অনুৰাগীক মোহিত কৰিবলৈ সক্ষম হৈছে ।
খানজাদী-অনুৰাগৰ গীত 'ৰংৰেজা' মুকলি
এইখিনিতে এটা কথা উল্লেখ কৰিব লাগিব যে, ছলমান খানৰ বিগ বছ শ্ব’টোত অভিষেক কুমাৰৰ কেমিষ্ট্ৰী দেখা গৈছিল খানজাদীৰ সৈতে ৷ কিন্তু শ্ব’টোৰ পৰা ওলাই অহাৰ পিচত ফিৰোজা খান ওৰফে খানজাদীক বাবু ভাইয়াৰ সৈতে ৰোমান্স কৰা দেখা গৈছে । ভেলেণ্টাইন ডে’ উপলক্ষে অনুৰাগ আৰু খানজাদীৰ একেলগে প্ৰথমটো গীত ‘ৰংৰেজা’ মুকলি পাইছে, যিটো গীতে ইউটিউবত ব্যৱহাৰকাৰীৰ পৰা যথেষ্ট মৰম লাভ কৰিছে ।
এইখিনিতে উল্লেখ কৰিব লাগিব যে, খানজাদী ওৰফে ফিৰোজা খানে গীতটোত অভিনয় কৰাই নহয়, এই গীতটিত কণ্ঠদানো কৰিছে । দুয়োৰে মাজত আচৰিত কেমিষ্ট্ৰী দেখা গৈছে, যিটো বিগ বছ হাউচত কেতিয়াও দেখা যোৱা নাছিল ।
- " class="align-text-top noRightClick twitterSection" data="">
খানজাদী আৰু অনুৰাগ ডোভালৰ এই গীতটি ইউটিউবত দৰ্শকে অতিশয় ভাল পাইছে । কেইঘণ্টামানৰ ভিতৰতে এই গীতটোৱে ছ’চিয়েল মিডিয়াত ন লাখৰো অধিক ভিউ লাভ কৰিছে আৰু প্ৰতি মুহূৰ্তত বৃদ্ধি পাইছে এই গীতৰ ভিউজ । ইফালে ব্যৱহাৰকাৰীয়ে দুয়োৰে কেমিষ্ট্ৰীক প্ৰশংসা কৰিছে যদিও খানজাদীৰ অভিনয় আৰু গায়কীৰ বিশেষ প্ৰশংসা কৰিছে । এজন ব্যৱহাৰকাৰীয়ে লিখিছে, "গায়ন-অভিনয়, কি আছে যিটো খানজাদীয়ে কৰিব নোৱাৰে ।"
আন এজন ব্যৱহাৰকাৰীয়ে লিখিছে, "অ' মাই গড, খানজাদীক ইমান মৰমলগা দেখা গৈছে । ধন্যবাদ অনুৰাগ, তাইৰ লগত এই গীতটো কৰাৰ বাবে, তাই জীৱনত বহুত সমস্যা দেখিছে"। আন এজন ব্যৱহাৰকাৰীয়ে লিখিছে, "অতি সুন্দৰ । অনুৰাগে এটা ডাঙৰ কাম কৰিছে আৰু খানজাদী খুব ধুনীয়া ।"
লগতে পঢ়ক: পৰম্পৰাগত সাজ-পোছাকত আবুধাবিত মন্দিৰৰ উদ্বোধনী অনুষ্ঠানত অংশগ্ৰহণ অক্ষয় কুমাৰৰ
