হায়দৰাবাদ : দেৱালীৰ শুভক্ষণত আল্লু অৰ্জুনে তেওঁৰ অনুৰাগীসকলক এক আকৰ্ষণীয় উপহাৰ দিছে । তেওঁ তেওঁৰ শ্ৰীৱল্লী অৰ্থাৎ ৰশ্মিকা মান্দান্নাৰ সৈতে পুষ্পা 2 ৰ এখন নতুন পোষ্টাৰ শ্বেয়াৰ কৰিছে । পুষ্পা 2 ৰ বাবে অনুৰাগীসকলে দীৰ্ঘদিন ধৰি অপেক্ষা কৰি আছে । টিজাৰ মুকলিৰ পিছৰে পৰা অনুৰাগীসকলৰ মাজত ছবিখনক লৈ যথেষ্ট উত্তেজনা দেখিবলৈ পোৱা গৈছে । চলচ্চিত্ৰখনৰ প্ৰথমে মুক্তিৰ তাৰিখ আছিল 6 ডিচেম্বৰ, এতিয়া শেহতীয়াকৈ নিৰ্মাতাসকলে ইয়াৰ মুক্তিৰ তাৰিখ 5 ডিচেম্বৰলৈ সলনি কৰিছে । পুষ্পা 2 এতিয়া 5 ডিচেম্বৰত ছবিগৃহত মুক্তি পাব ৷
ছবিখনৰ নতুন পোষ্টাৰত কি আছে ?
দীপাৱলী উদযাপনৰ বাবে অনুৰাগীৰ সৈতে শ্বেয়াৰ কৰা ‘পুষ্পা 2: দ্য ৰুল’ৰ নতুন পোষ্টাৰে খলকনি তুলিছে । পোষ্টাৰখনত আল্লু অৰ্জুনক তেওঁৰ পুষ্পা ৰাজ চৰিত্ৰত আৰু ৰশ্মিকাক তেওঁৰ শ্ৰীৱল্লী অৱতাৰত দেখা গৈছে । পটভূমিত যেন দুয়োজনেই পাকঘৰত আছে তেনে অনুমান হয় ৷ দুয়োৱে ইজনে সিজনৰ চকুলৈ চাই আছে । নতুন পোষ্টাৰখন শ্বেয়াৰ কৰাৰ লগে লগে অনুৰাগীৰ মাজত উত্তেজনা বাঢ়িছে । নতুন পোষ্টাৰখনৰ লগতে তেওঁ কেপশ্যন লিখিছে – হেপ্পী দীপাৱলী ।
অনুৰাগীৰ উত্তেজনা
সুকুমাৰ পৰিচালিত 2021 চনৰ ব্লকবাষ্টাৰ ছবি ‘পুষ্পা: দ্য ৰাইজ’ এ দৰ্শক আৰু সমালোচকৰ পৰা অতিশয় প্ৰশংসা লাভ কৰাৰ পিছত এতিয়া ছিকুৱেলৰ বাবে আগ্ৰহেৰে বাট চাই আছে অনুৰাগীয়ে । টিজাৰত আল্লু অৰ্জুনৰ লুক দেখাৰ পিছত অনুৰাগীসকল যথেষ্ট উত্তেজিত হৈ পৰিছে । পোষ্টাৰখন মুকলি হোৱাৰ লগে লগে অনুৰাগীয়ে কমেণ্ট ছেকশ্যনত বহুত মন্তব্য কৰিছে । এজনে লিখিছে- “এতিয়াহে দীপাৱলী উদযাপন হৈছে ।” এজনে মন্তব্য কৰিলে- “ৱাহ, কি উপহাৰ মোৰ প্ৰিয় আল্লু অৰ্জুন আৰু শ্ৰী বল্লী ।”
শ্ৰদ্ধা কাপুৰে কেমিঅ’ কৰিব
পুষ্পা দ্য ৰাইজৰ সামান্থাৰ উ আন্তাভা গানটো যথেষ্ট জনপ্ৰিয় হৈছিল । খবৰ অনুসৰি পুষ্পা 2 ত অভিনেত্ৰী শ্ৰদ্ধা কাপুৰৰ বিশেষ নৃত্য থাকিব । অৱশ্যে এই সন্দৰ্ভত কোনো আনুষ্ঠানিক ঘোষণা কৰা হোৱা নাই । ইফালে, ৱৰ্ক ফ্ৰণ্টৰ কথা কওঁতে ৰশ্মিকাই শেহতীয়াকৈ ঘোষণা কৰিছে হৰৰ কমেডী 'থামা', য’ত তেওঁক আয়ুষ্মান খুৰানাৰ সৈতে দেখিবলৈ পোৱা যাব । 2025 চনৰ দীপাৱলীত মুক্তি পাব এই ছবিখন ।
লগতে পঢ়ক : ‘পুষ্পা ২’ ৰ নিৰ্মাতাৰ বিৰুদ্ধে গোচৰ ৰুজু কৰাৰ ভাবুকি - Pushpa 2 the Rule New Release Date
