চিটাৰা ডেস্ক, 25 জুলাই : বলীউডৰ অভিনেতা অভয় দেওলে নিজৰ যৌনতাক লৈ এক ডাঙৰ কথা প্ৰকাশ কৰিছে । তেওঁ কয় যে যৌনতাক লৈ তেওঁ পাশ্চাত্য সংস্কৃতিৰ সৈতে একেবাৰেই একমত নহয় । লগতে জানিবলৈ দিয়ে যে পুৰুষ আৰু মহিলা উভয়ৰে প্ৰতি তেওঁ আকৰ্ষিত হয় ।
শেহতীয়াকৈ বলীউডৰ অভিনেতা অভয় দেওলে এক সাক্ষাৎকাৰত নিজৰ যৌনতাৰ বিষয়ে মুকলিকৈ কথা পাতে আৰু সেই সন্দৰ্ভত নিজৰ মতামত ব্যক্ত কৰে । আচলতে অভিনেতাজনে এখন আলোচনীৰ বাবে ফটোশ্বুট কৰিছে । এই ফটোশ্বুটত অভিনেতাজনে নিজকে চুমা খাই থকা দেখা গৈছে । এই আলোচনীখনক দিয়া এক সাক্ষাৎকাৰত অভিনেতাগৰাকীয়ে কয় যে যৌনতা সন্দৰ্ভত তেওঁ পাশ্চাত্য সংস্কৃতিৰ সৈতে একেবাৰেই একমত নহয় ।
অভয় দেওলে ক’লে এই কথা
যৌনতা সন্দৰ্ভত কথা পাতি অভয় দেউলে কয়, ‘যৌনতাক চিনাক্তকৰণৰ পশ্চিমীয়া পদ্ধতিটো মোৰ একেবাৰেই ভাল নালাগে, কাৰণ ই অতি ক’লা-বগা । একে সময়তে পূবৰ দৃষ্টিভংগীও বহুত বেলেগ, এই কথা সকলোৱে জানে ৷ মই মোৰ যৌনতাক সংজ্ঞায়িত কৰিব নোৱাৰো, অলপ বিতৰ্কিত যেন লাগিব পাৰে, কিন্তু ইয়াত একোৱেই নাই যিটো মই পৃথকে সংজ্ঞায়িত কৰিব পাৰো ।’
অভিনেতাজনে লৈছে সকলো অভিজ্ঞতা
‘মই ভাবো আপোনাক এটা বাকচত ৰখাটো আন লোকৰ বাবে সঠিক হ'ব পাৰে । মই কিয় নিজকে পশ্চিমীয়া ভাষাত সংজ্ঞায়িত কৰিব লাগে ? মই মোৰ জীৱনৰ সকলো অভিজ্ঞতা গ্ৰহণ কৰিছো আৰু মই সেইটো অব্যাহত ৰাখিম । মই ইয়াক কেনেদৰে লেবেল লগাব লাগে নাজানো, আৰু মই ইয়াক লেবেল দিবও নিবিচাৰো । আমাৰ সকলোৰে ভিতৰত এগৰাকী পুৰুষ আৰু মহিলা আছে, সেয়েহে মই ইয়াক সংজ্ঞায়িত কৰিব নিবিচাৰো কিয়নো মই মহিলাৰ প্ৰতি আকৰ্ষিত হওঁ নে পুৰুষৰ প্ৰতি আকৰ্ষিত হওঁ ক'ব নোৱাৰো ।
অভয় দেওলৰ ৱৰ্ক ফ্ৰণ্টৰ কথা ক’বলৈ গ’লে তেওঁক আগন্তুক ছবি ‘বুন টিকি’ত দেখিবলৈ পোৱা যাব, য’ত প্ৰবীণ অভিনেত্ৰী জিনাত আমান আৰু শ্বাবানা আজমীয়ে তেওঁৰ সৈতে স্ক্ৰীণ শ্বেয়াৰ কৰিব । এই ছবিখন পৰিচালনা কৰিছে ফৰাজ আৰিফ আনছাৰীয়ে, যিয়ে ‘শ্বীৰ কোৰমা’ পৰিচালনা কৰিছিল।
ছবিখন মনীষ মালহোত্ৰাৰ ষ্টেজ 5 প্ৰডাকশ্যনৰ অধীনত জ্যোতি দেশপাণ্ডে, দিনেশ মালহোত্ৰা আৰু মৰিজেক দেসুজাই প্ৰযোজনা কৰিছে । জিঅ' ষ্টুডিঅ' হৈছে ছবিখনৰ সহ-প্ৰযোজক ।
