২৪ ঘণ্টা এটা আমি কেনেদৰে ব্যৱহাৰ কৰো সেয়াই হৈছে যিকোনো কাম সফলভাৱে সমাপ্ত কৰাৰ মূল চাবিকাঠি । বহুতো শিক্ষাৰ্থী/কৰ্মচাৰীয়ে প্ৰায়ে কয় যে তেওঁলোকৰ যিকোনো কাম আৰম্ভ কৰাৰ বাবে পৰ্যাপ্ত সময় নাথাকে । কিন্তু সেইখিনি সময়েই আকৌ কিছুমানৰ বাবে কেনেকৈ পৰ্যাপ্ত ? তেওঁলোক কেনেকৈ পৰীক্ষা বা হাতত লোৱা কাম এটাত সফল হৈছে ? বেছিভাগ মানুহেই কিয় কয় যে এইখিনি সময় পৰ্যাপ্ত নহয় ? যদি আপুনিও এই প্ৰশ্নবোৰৰ উত্তৰ বিচাৰি আছে, তেন্তে আপুনি নিম্নলিখিত বিষয়বোৰৰ ওপৰত প্ৰথমতে গভীৰভাৱে বিশ্লেষণ কৰিব লাগিব ৷
সঠিক পৰিকল্পনা..:
এই ডিজিটেল যুগত, পৰিকল্পনা অবিহনে আগবাঢ়ি যোৱাটো অতি কঠিন । কোনবোৰ বিষয় কেতিয়া অধ্যয়ন কৰিব লাগে আৰু কিমান সময়ৰ বাবে অধ্যয়ন কৰিব লাগে সেই বিষয়ে স্পষ্টতা থাকিব লাগে । উদাহৰণ স্বৰূপে, ধৰি লওঁক আপুনি দৈনিক তিনিটা বিষয়ৰ তিনিটা অধ্যায় পঢ়াৰ পৰিকল্পনা কৰিছে... সেই অনুসৰিয়ে পঢ়ক । কোনো পৰিস্থিতিত এই কাম কাইলৈৰ বাবে পিছুৱাই নিদিব । কাৰণ কাইলৈ কি পঢ়িব তাৰ বাবে আপোনাৰ এটা পৰিকল্পনা পূৰ্বৰে পৰা সাজু থাকিব । আজিৰ পৰিকল্পনাটো পিছুৱাই কাইলৈৰ পৰিকল্পনা নষ্ট নকৰিব । এনে কৰিলে সময়ৰ অভাৱ আৰু অপচয়ৰ দৰে সমস্যাৰ উদ্ভৱ নহ'ব ।
প্ৰতিটো মিনিট মূল্যৱান...:
সময় মূল্যৱান । যদি আমি অপ্ৰয়োজনীয়ভাৱে সময় অপচয় কৰো, আমিয়েই ক্ষতিগ্ৰস্ত হওঁ । জানিয়েই হওক বা অজানিতে হওক আমি অপচয় হোৱা সময় ঘূৰাই পাব নোৱাৰো । ছাত্ৰ পৰ্যায়ত বিশেষভাৱে গুৰুত্ব দিবলগীয়া কথা এইটোৱে । নিৰ্ধাৰিত লক্ষ্যত উপনীত হ'বলৈ প্ৰতিটো মিনিট মূল্যৱান । এই কথা উপলব্ধি কৰাটোৱেই সময় ব্যৱস্থাপনাৰ প্ৰথম পদক্ষেপ । যদি আপুনি অনুভৱ কৰে যে সৰু কামত সময় অপচয় হয়, তেন্তে আপুনি পৰিয়ালৰ সদস্যৰ সহায় ল'ব পাৰে । উদাহৰণ স্বৰূপে, তেওঁলোকক প্ৰুফৰিডিং এছাইনমেণ্টৰ দায়িত্ব দিব পাৰে । সেই সময়ত আপুনি আন এটা গুৰুত্বপূৰ্ণ কাম হাতত ল’ব পাৰে ।
একাগ্ৰতা হেৰুৱাব নালাগে..:
কিছুমান ছাত্ৰ-ছাত্ৰীয়ে এটা অধ্যায় পঢ়িবলৈয়ো ঘণ্টাৰ পিচত ঘণ্টা সময় লয় । কাৰণ এফালে পঢ়ি থাকোঁতে আনফালে ম’বাইল ফোনত বন্ধু-বান্ধৱীৰ লগত মেছেজ কৰি থাকে বা কথা পাতি থাকে । কম্পিউটাৰ/ম’বাইল/টেবৰ দৰে ডিভাইচত পঢ়ি থকাৰ সময়ত ইয়াত অন্য ৱেবছাইট খুলিব পাৰে বাবে একাগ্ৰতা হেৰুৱাৰ সম্ভাৱনা থাকে । ইয়াৰ ফলত পঢ়াত বাধাৰ সৃষ্টি হয় । গতিকে পঢ়ি থাকোতে ম’বাইলটো চুইচ অফ কৰি বা ডিভাইচত পঢ়িলে আন এটা ৱেবছাইট নাচালে ভাল । তেনেকৈহে কামত মনোযোগ দিব পাৰিব ৷
