জ্যোতিষী ড৹ পৰশমণি শৰ্মা (SOURCE: ETV BHARAT ASSAM)
গুৱাহাটী, 10 মে’ : আজি অক্ষয় তৃতীয়া ৷ অক্ষয় তৃতীয়া দিনা ধনতেৰচৰ দিনাৰ দৰে আপুনি সোণ, ৰূপ, তাম আদিৰ সামগ্ৰী ক্ৰয় কৰিব পাৰে ৷ আজিৰ দিনটো সোণ, ৰূপ, তাম আদিৰ সামগ্ৰী ক্ৰয় কৰাৰ লগতে অন্যান্য সকলো ক্ষেত্ৰত আজিৰ দিনটো শুভ বুলি গণ্য কৰা হয় ৷
আজিৰ দিনটোত আপুনি কি কি শুভ কৰ্ম কৰিব পাৰে ?
- আজিৰ এই বিশেষ দিনটোত আপুনি সোণ-ৰূপ আদিৰ সামগ্ৰী ক্ৰয় কৰাৰ লগতে আজিৰ দিনটোৰ পৰা যদি ডাক্তৰে দিয়া যিকোনো ঔষধ আৰম্ভ কৰিব বিচাৰিছে, তেন্তে সেয়াও আজি ভাল দিন ৷
- ছাত্ৰ-ছাত্ৰী নতুনকৈ কোনো বিষয়ত শিক্ষা আৰম্ভ কৰিব বিচাৰে, তেন্তে আজিৰ দিনটোৰ পৰা কৰিব পাৰে ৷ শিক্ষাৰ বাবে প্ৰয়োজনীয় কিতাপ-পত্ৰ কিনিব পাৰে ৷
- গৃহ-প্ৰৱেশ বা সম্পত্তি ক্ৰয়ৰ ক্ষেত্ৰতো আজিৰ দিনটো অতি পবিত্ৰ বুলি গণ্য কৰা হয় ৷
- কৃষকসকলে খেতি, গছ-গছনি ৰোৱা বা মাছৰ ব্যৱসায় আজিৰ পৰা আৰম্ভ কৰিব পাৰে ৷
অক্ষয় তৃতীয়াৰ দিনা আপুনি কি দান কৰিব পাৰে ?
- আজিৰ এই দিনটোত আপুনি যদি কোনো দুখীয়া বা ভোকাতুৰ মানুহক এমুঠি অন্ন দান কৰিব পাৰে, তেন্তে শুভফল লাভ কৰিব পাৰে ৷ মান্যতা আছে যে এই সময়ছোৱাত যদি কোনো ভোকাতুৰ মানুহক আপুনি আপোনাৰ সাধ্য অনুসৰি অন্ন, বস্ত্ৰ, বাসস্থান যোগান ধৰিব পাৰে, তেতিয়া আপোনাৰ কেতিয়াও টকাৰ অভাৱ নহয় ৷
- যদিহে ৰাহুৰ মহাদশা চলি আছে, তেন্তে এই সময়ছোৱাত ইলেকট্ৰনিক সামগ্ৰী মানুহক দান দিব পাৰে বা উপহাৰ হিচাপে দিব পাৰে ৷
- যদি আপুনি আপোনাৰ জীৱনত কিবা ধনাত্মক সলনি আনিব বিচাৰি আছে, তেন্তে আজিৰ দিনটোত ৰূপ বা সোণৰ বৰ্গাকাৰ এটা লকেট বনাই ডিঙিত পৰিধান কৰিব পাৰে ৷
- কেতুৰ দশা যদি চলি থাকে তেন্তে পুৰুষ বা মহিলাই উভয়ে কাণত এপাট কাণফুলি পৰিধান কৰিব পাৰে ৷
- লগতে আজিৰ দিনটোত ঘৰত সকলোৱে হাঁহি-স্ফূৰ্তিৰে থকাৰ লগতে নিৰামিষ আহাৰ গ্ৰহণ কৰিব পাৰিলে ভাল ৷
লগতে পঢ়ক: অক্ষয় তৃতীয়াৰ দিনা এনেদৰে সন্তুষ্ট কৰক বিষ্ণু-মা লক্ষ্মীক আৰু পাওক এই লাভ - AKSHAYA TRITIYA 2024
