নেশ্যনেল ডেস্ক, ২২ মে’: শেহতীয়াকৈ লণ্ডনৰ পৰা ছিংগাপুৰলৈ যোৱা ছিংগাপুৰ এয়াৰলাইনছৰ এখন বিমানত আকাশৰ মাজতে বায়ুৰ বিশৃংখলিত প্ৰবাহত হোৱা তীব্ৰ জোকাৰণি(টাৰ্বুলেন্স) ৰ ফলত এজন ৭৩ বছৰীয়া ব্ৰিটিছ নাগৰিকৰ মৃত্যু হোৱাৰ লগতে ৭০ জনতকৈ অধিক লোক আহত হয় । এই ঘটনাটো সংঘটিত হোৱাৰ পিচত ভিডিঅ'টো সামাজিক মাধ্য়মত শ্বেয়াৰ কৰাত আকৌ এবাৰ বিমান ভ্ৰমণ সুৰক্ষাৰ বিষয়টোৱে চৰ্চা লাভ কৰিছে ।
ছিংগাপুৰ এয়াৰলাইন ফ্লাইট ট্ৰেকিং ফ্লাইটৰাডাৰ ২৪ ৰ তথ্য় অনুসৰি, বোয়িং ৭৭৭ খন ৩৭,০০০ ফুট উচ্চতাত গতি কৰি থকাৰ সময়তেই হঠাতে প্ৰায় কেইমিনিটমানৰ ব্যৱধানত ৩১,০০০ ফুটলৈ নামি আহে । তীব্ৰ জোকাৰণিৰে তললৈ নামি অহাৰ লগে লগে যাত্ৰীসকলৰ মাজত হাহাকাৰ অৱস্থাৰ সৃষ্টি হয় ।
উল্লেখ্য় যে, এই বিমানখনত মুঠ ২১১ জন যাত্ৰী আৰু ১৮ জন কৰ্মচাৰী আছিল । বিমানখনত তীব্ৰ কম্পনৰ বাবে সৃষ্টি হোৱা অস্থিৰ মুহুৰ্তটোৰ এটা ভিডিঅ' ছচিয়েল মিডিয়াত শ্বেয়াৰ কৰাত কেবিনটো কঁপি থকা আৰু যাত্ৰীসকলকে আসনত জোৰেৰে ধৰি থকা ভয়াৱহ দৃশ্য়টো সকলোৱে প্ৰত্য়ক্ষ কৰিছে ।
জলবায়ু পৰিৱৰ্তনৰ ফলত পৰিৱেশৰ পৰিৱৰ্তনৰ মাজতে এই আচৰিত আৰু ভয়াৱহ ঘটনাটোৱে আকৌ এবাৰ বিমান ভ্ৰমণ সুৰক্ষাৰ বিষয়টোকলৈ প্ৰশ্নৰ অৱতৰণ কৰিছে । যেতিয়া গুৰুতৰ অস্থিৰ অৱস্থাৰ সৃষ্টি হয়, তেতিয়া যাত্ৰীসকল আঘাত হয় যদিও মৃত্যু হোৱাটো এক বিৰল ঘটনা বুলি ক'ব পাৰি ।
শেষবাৰৰ বাবে ২০২২ চনত এনে ঘটনা সংঘটিত হৈছিল যেতিয়া স্পাইচজেটৰ বিমানত টাৰ্বুলেন্সৰ ফলত অসুস্থ হোৱা আকবৰ আনছাৰী নামৰ এজন যাত্ৰীয়ে প্ৰাণ হেৰুৱাইছিল । সাধাৰণতে বিমানৰ পৰিচালকসকলে নিয়মীয়াকৈ যাত্ৰীসকলক তেওঁলোকৰ চিট বেল্ট বান্ধিবলৈ সতৰ্ক কৰে ।
ভাৰতীয় বিমানত টাৰ্বুলেন্স
ৰাজ্যসভাত কেন্দ্ৰীয় বিমান ৰাজ্যমন্ত্ৰী জেনেৰেল ড৹ ভি কে সিঙে দিয়া উত্তৰ অনুসৰি, ২০১৮ চনৰ পৰা ২০২২ চনৰ ডিচেম্বৰলৈকে মুঠ ৪৬ টা বিমান দুৰ্ঘটনা সংঘটিত হৈছে । ইয়াৰে ২০১৮ চনত ৮ টা, ২০১৯ চনত ১০ টা, ২০২০ চনত ৭ টা, ২০২১ চনত ৯ টা আৰু ২০২২ চনত ১২ টা ।
বিমান দুৰ্ঘটনা অনুসন্ধান ব্যুৰো (এএআইবি)ৰ দ্বাৰা বিমানৰ সৈতে জড়িত দুৰ্ঘটনাৰ তদন্ত কৰা হয় । একেদৰে ২০২০-২০২২ বৰ্ষত প্ৰায় ২৩ খন বিমানে জৰুৰী অৱতৰণ কৰিছিল । আনহাতে, ২০২০ চনত সাতখন, ২০২১ চনত নখন আৰু ২০২২ চনত সাতখন বিমানে জৰুৰী অৱতৰণ কৰিছিল । যোৱা দুবছৰত জৰুৰী অৱতৰণৰ কেইবাটাও ঘটনা ঘটিছে যাৰ বহুতে কাৰিকৰী বিজুতি, বায়ুৰ তীব্ৰ কম্পন বা চৰাইয়ে আঘাত কৰাৰ পিছত জৰুৰী অৱতৰণ কৰিছে ।
এয়াৰ টাৰ্বুলেন্স কি?
যেতিয়া বায়ু বিশৃংখলভাৱে প্ৰবাহিত হ'বলৈ আৰম্ভ কৰে, তেতিয়া বায়ুৰ অস্থিৰতা আৰম্ভ হয় । সাধাৰণতে, বতাহে উচ্চ উচ্চতাত এক মসৃণ, পথালি হৈ প্ৰবাহত হয় আৰ ইয়াক "লেমিনাৰ প্ৰবাহ" বুলি কয় । এইটোৱে এখন বিমানক স্থিৰভাৱে চলাচল কৰিবলৈ বাধ্য কৰে । যেতিয়া নেদেখা কিবা ঘটে যি বতাহৰ এই মসৃণ প্ৰবাহত ব্যাঘাত জন্মায় আৰু বায়ু ওপৰলৈ আৰু তললৈ আৰু পথালি দিশত চলাচল কৰে, তেতিয়া অস্থিৰতা সৃষ্টি হয় । এই অস্থিৰতাৰ ফলত বিমানৰ উচ্চতাত আকস্মিক পৰিৱৰ্তন হয় আৰু কেইমিনিটমানৰ ভিতৰতে কেইবাহাজাৰ কিল’মিটাৰ তললৈ বিমান পৰিব পাৰে । এনে পৰিস্থিতিত সামগ্ৰীবোৰ মজিয়াৰ পৰা পৰি যায় ।
ইয়াক প্ৰতিৰোধ কৰিব পাৰিনে?
আনহাতে, কেইবাজনো বিমান আৰু পৰিৱেশ বিশেষজ্ঞই দাবী কৰিছে যে তাপমাত্ৰাৰ আকস্মিক পৰিৱৰ্তনৰ ফলত জলবায়ুৰ আৰ্হিত অস্বাভাৱিক পৰিৱৰ্তন ঘটিছে আৰু ইয়াৰ ফলত এনে হ'ব পাৰে । অৱশ্যে, এইটো প্ৰমাণিত হোৱা নাই যে এই জলবায়ু পৰিৱৰ্তনবোৰে এই অস্থিৰতাৰ আঁৰৰ একমাত্ৰ কাৰণ ।
