নেশ্যনেল ডেস্ক, 28 জুলাই : কোচিং চেণ্টাৰত শোকাৱহ দুৰ্ঘটনা ৷ পশ্চিম দিল্লীৰ জনপ্ৰিয় এটা কোচিং চেণ্টাৰৰ বেছমেণ্টত হঠাতে পানী প্ৰৱেশ কৰাৰ ফলত চাৰি ঘণ্টাৰো অধিক সময় আৱদ্ধ হৈ থকা তিনিগৰাকী ছাত্ৰৰ মৃত্যু হোৱা বুলি আৰক্ষীয়ে জানিবলৈ দিয়ে ।
ৰাজ্যখনৰ ৰাজেন্দ্ৰ নগৰত দেখা গৈছে যে শনিবাৰে ৰাউ আই এ এছৰ এটা বেছমেণ্ট সম্পূৰ্ণৰূপে বানত বুৰ গৈছে । অগ্নিনিৰ্বাপক বাহিনীৰ বিষয়াসকলে জনোৱা মতে, শিক্ষাৰ্থী বেছমেণ্টত আৱদ্ধ হৈ থকাৰ বিষয়ে শনিবাৰৰ সন্ধিয়া 7.19 বজাত ফোনযোগে তেওঁলোকক অৱগত কৰা হৈছিল আৰু উদ্ধাৰ অভিযানত সহায় কৰিবলৈ পাঁচখন অগ্নিনিৰ্বাপক বাহিনীৰ গাড়ী প্ৰেৰণ কৰা হৈছিল ।
आज शाम भारी बारिश के कारण
— Durgesh Pathak (@ipathak25) July 27, 2024
मेरी विधानसभा के राजेंद्र नगर में RAUʼs कोचिंग इंस्टीट्यूट की बेसमेंट में अचानक पानी भर गया।
अभी मैं ख़ुद मौके पर हूं, फायर विभाग और NDRF की टीम मौके पर बचाव कार्य में लगी है।
दिल्ली सरकार में मंत्री @AtishiAAP जी ने घटना के मजिस्ट्रेट जांच के आदेश दे…
উদ্ধাৰ অভিযান আৰম্ভ হোৱাৰ কেইঘণ্টামান পিছতে দুগৰাকী ছাত্ৰীৰ মৃতদেহ উলিয়াই অনা হয় । পৰৱৰ্তী সময়ত উদ্ধাৰ কৰা হয় তৃতীয়জন ছাত্ৰৰ মৃতদেহ । দিল্লীৰ পশ্চিম অংশৰ পেটেল নগৰতো বানৰ সৃষ্টি হয় ৷ কৃত্ৰিম বানৰ সৃষ্টি হোৱা পথ পাৰ হ’বলৈ গৈ ইউ পি এছ চিৰ শিক্ষাৰ্থী এজনে বিদ্যুৎস্পৃষ্ট হোৱাৰ কিছুদিন পিছতে এই ঘটনা সংঘটিত হৈছে ।
X ত দিয়া এটা পোষ্টত দিল্লীৰ আপ মন্ত্ৰী আতিশীয়ে কয়, "প্ৰচণ্ড বৰষুণৰ পিছত বেছমেণ্টটো বানত বুৰ গৈছে আৰু স্থানীয় আপৰ বিধায়ক দুৰ্গেশ পাঠক আৰু মেয়ৰ শ্বেলী ওবেৰয় কোচিং চেণ্টাৰটোত উপস্থিত হৈছে ৷" প্ৰশিক্ষক কেন্দ্ৰত উপস্থিত হৈ আপ চৰকাৰৰ বিৰুদ্ধে তীব্ৰ ক্ষোভ প্ৰকাশ কৰি নতুন দিল্লী লোকসভা সমষ্টিৰ বিজেপি সাংসদ বনসুৰী স্বৰাজে এই শোকাৱহ দুৰ্ঘটনা এৰাই চলিব পৰা গ’লহেঁতেন বুলি আক্ষেপ প্ৰকাশ কৰে ।
दिल्ली में शाम हुई भारी बारिश के कारण एक दुर्घटना की खबर है
— Atishi (@AtishiAAP) July 27, 2024
राजेंद्र नगर में एक कोचिंग इंस्टीट्यूट की बेसमेंट में पानी भरने के की खबर है
दिल्ली फायर विभाग और NDRF मौके पर है। दिल्ली की मेयर और स्थानीय विधायक भी वहाँ पर हैं। मैं हर मिनट घटना की खबर ले रहीं हूं।
ये घटना कैसे…
"বিজেপিৰ নিষ্ঠাবান কৰ্মীসকলে বিধায়ক দুৰ্গেশ পাঠকক বাৰে বাৰে অনুৰোধ কৰিছিল যে এই অঞ্চলৰ নলাবোৰ যাতে পৰিষ্কাৰ কৰা হয় । তেনে কৰা হ'লে এই ট্ৰেজেডী নঘটিলহেঁতেন । আপোনালোকে দেখিছে যে পথৰ 2-3 ফুট ওপৰলৈ পানীয়ে ভৰি আছে ৷ যিয়ে বেছমেণ্টটো প্লাৱিত কৰি পেলাইছে । এই শোকাৱহ ঘটনা আৰু মৃত্যুৰ বাবে আপ চৰকাৰ, মুখ্যমন্ত্ৰী অৰবিন্দ কেজৰিৱাল আৰু বিধায়ক দুৰ্গেশ পাঠক দায়ী ।"
পাঠকে এই সন্দৰ্ভত কয়, "এটা নলা বা নৰ্দমা বিস্ফোৰণ হোৱা যেন লাগে, যাৰ ফলত বানপানীৰ সৃষ্টি হৈছে । দিল্লী পৌৰ নিগমত বিজেপি দলৰ কাউন্সিলাৰসকলে 15 বছৰে ক্ষমতাত আছিল যদিও নলা নিৰ্মাণ কৰা নাছিল । এয়া ৰাজনীতিৰ সময় নহয় । এতিয়া গুৰুত্ব দিয়া হৈছে শিক্ষাৰ্থীসকলক বচাবলৈ ।"
