নেশ্যনেল ডেস্ক, 11 আগষ্ট: প্ৰধানমন্ত্ৰী নৰেন্দ্ৰ মোদীয়ে শনিবাৰে ৱায়ানাডত হোৱা ভূমিস্খলনৰ সময়ত আহত হোৱা লোকসকলক সাক্ষাৎ কৰাৰ লগতে সাহায্য শিবিৰত বাস কৰা লোকসকলৰ সৈতে মত বিনিময় কৰে । প্ৰাকৃতিক দুৰ্যোগত ক্ষতিগ্ৰস্তসকলৰ বাবে প্ৰধানমন্ত্ৰীগৰাকীয়ে প্ৰাৰ্থনা জনায় ।
প্ৰধানমন্ত্ৰী মোদীয়ে কয়, "ৱায়ানাডৰ ভূমিস্খলনৰ ফলত ক্ষতিগ্ৰস্ত হোৱাসকলৰ মংগল কামনা কৰি বাবে আমি নেদেখাজনৰ ওচৰত প্ৰাৰ্থনা জনাইছো ৷ কেন্দ্ৰই সাহায্য প্ৰচেষ্টাত সহায়ক হোৱাকৈ সকলো ধৰণৰ সহায়ৰ আশ্বাস প্ৰদান কৰিছে ।"
এক পৰ্যালোচনা বৈঠকত প্ৰধানমন্ত্ৰী মোদীয়ে এই কঠিন সময়ত দুৰ্যোগ পীড়িতসকলৰ কাষত কেন্দ্ৰীয় চৰকাৰ আৰু সমগ্ৰ দেশবাসী আছে বুলি কয় ।
প্ৰধানমন্ত্ৰীয়ে লগতে ৱায়ানাডৰ উদ্ধাৰ অভিযানৰ ওপৰত তেওঁ তীক্ষ্ণ দৃষ্টি ৰাখিছে আৰু কৰ্তৃপক্ষৰ সৈতে অহৰহ যোগাযোগ ৰাখিছে বুলিও কয় । দুৰ্যোগ ব্যৱস্থাপনাৰ পুঁজি ইতিমধ্যে মুকলি কৰা হৈছে আৰু বাকী অংশও তৎক্ষণাত মুকলি কৰা হ’ব বুলি আশ্বাস প্ৰদান কৰে ।
প্ৰধানমন্ত্ৰী মোদীয়ে কয়, "বৰ্তমানৰ পৰিস্থিতিৰ সৈতে মোকাবিলা কৰিব পৰা সকলো কেন্দ্ৰীয় সংস্থাক সংগঠিত কৰা হৈছে আৰু ক্ষতিগ্ৰস্তসকলক পাৰ্যমানে সহায় কৰা হৈছে । এন ডি আৰ এফ, এছ ডি আৰ এফ, সেনা, ৰাজ্যিক আৰক্ষী, স্থানীয় চিকিৎসা বাহিনী, এন জি অ’ আৰু অন্যান্য সেৱামুখী প্ৰতিষ্ঠানৰ কৰ্মীসকল দুৰ্যোগগ্ৰস্ত অঞ্চলটোত তৎক্ষণাত উপস্থিত হৈ অনুসন্ধান আৰু উদ্ধাৰৰ কাম আৰম্ভ কৰাৰ বাবে প্ৰশংসা কৰে ।
വയനാട്ടിലെ ഉരുൾപൊട്ടൽ നമ്മെയെല്ലാം സങ്കടപ്പെടുത്തി. ദുരന്തം സംഭവിച്ചതുമുതൽ, ഞാൻ സ്ഥിതിഗതികൾ സൂക്ഷ്മമായി നിരീക്ഷിക്കുകയാണ്. ദുരിതബാധിതരെ സഹായിക്കാൻ കേന്ദ്ര ഗവണ്മെന്റ് എല്ലാ വിഭവങ്ങളും സമാഹരിച്ചിട്ടുണ്ട്. ഇന്ന് ഞാൻ അവിടെ പോയി സ്ഥിതിഗതികൾ വിലയിരുത്തി. ഞാൻ വ്യോമ നിരീക്ഷണവും നടത്തി. pic.twitter.com/nIwCgX00cP
— Narendra Modi (@narendramodi) August 10, 2024
তেওঁ ক্ষতিগ্ৰস্তসকলক বিশেষকৈ আত্মীয়ক হেৰুওৱা শিশুসকলক সহায় কৰিবলৈ নতুন দীৰ্ঘম্যাদী আঁচনি প্ৰস্তুত কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে । কেন্দ্রৰ পৰা প্রয়োজনীয় সকলো সহায় লৈ ৰাজ্য চৰকাৰে ইয়াত গুৰুত্বপূৰ্ণ ভূমিকা পালন কৰিব বুলি প্ৰধানমন্ত্ৰীয়ে আস্থা প্রকাশ কৰে ৷
