কেৱাডিয়া : জন্ম জয়ন্তীত দেশৰ লৌহ মানৱ চৰ্দাৰ বল্লভভাই পেটেলেক আজি সমগ্ৰ দেশে স্মৰণ কৰাৰ লগতে শ্ৰদ্ধাঞ্জলি জ্ঞাপন কৰিছে । চৰ্দাৰ পেটেলৰ এই জন্ম জয়ন্তীৰ কেন্দ্ৰীয় অনুষ্ঠান অনুষ্ঠিত হৈছে গুজৰাটৰ কেৱাডিয়াত । প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে পুৱা গুজৰাটৰ কেৱাডিয়াত চৰ্দাৰ বল্লভভাই পেটেলৰ জন্ম জয়ন্তী উপলক্ষে আয়োজিত 'ৰাষ্ট্ৰীয় একতা দিৱস' পেৰেডত অংশগ্ৰহণ কৰে ।
"ভাৰত ৰত্ন চৰ্দাৰ বল্লভভাই পেটেলৰ জন্ম জয়ন্তীত তেওঁলৈ মোৰ অভিবাদন । ৰাষ্ট্ৰৰ ঐক্য আৰু সাৰ্বভৌমত্ব সুৰক্ষিত কৰাটো তেওঁৰ জীৱনৰ সৰ্বোচ্চ অগ্ৰাধিকাৰ আছিল । তেওঁৰ ব্যক্তিত্ব আৰু কামে দেশৰ প্ৰতিটো প্ৰজন্মক অনুপ্ৰাণিত কৰি থাকিব ।" প্ৰধানমন্ত্ৰী মোদীয়ে এক্সৰ এটা পোষ্টত কয় ।
भारत रत्न सरदार वल्लभभाई पटेल की जन्म-जयंती पर उन्हें मेरा शत-शत नमन। राष्ट्र की एकता और संप्रभुता की रक्षा उनके जीवन की सर्वोच्च प्राथमिकता थी। उनका व्यक्तित्व और कृतित्व देश की हर पीढ़ी को प्रेरित करता रहेगा।
— Narendra Modi (@narendramodi) October 31, 2024
আনহাতে, একতা দিৱস উপলক্ষে প্ৰধানমন্ত্ৰীয়ে একতাৰ শপত গ্ৰহণ কৰে আৰু গুজৰাটৰ 'ষ্টেচু অব ইউনিটী'ত পুষ্পাঞ্জলি অৰ্পণ কৰি চৰ্দাৰ পেটেললৈ শ্ৰদ্ধাঞ্জলি জ্ঞাপন কৰে ।
ইয়াৰ উপৰি ৰাষ্ট্ৰীয় ৰাজধানী দিল্লীত আয়োজিত একতা দিৱসৰ অনুষ্ঠানত ৰাষ্ট্ৰপতি দ্ৰৌপদী মুৰ্মু, উপ-ৰাষ্ট্ৰপতি জগদীপ ধনখৰ আৰু অন্যান্য গণ্য-মান্য ব্যক্তিসকলে চৰ্দাৰ পেটেললৈ শ্ৰদ্ধাঞ্জলি জ্ঞাপন কৰে । উল্লেখ্য যে চৰ্দাৰ বল্লভভাই পেটেলৰ জন্ম জয়ন্তীক 'ৰাষ্ট্ৰীয় একতা দিৱস' হিচাপে উদযাপন কৰা হয় ।
#WATCH | Prime Minister Narendra Modi administered the Unity oath, on the birth anniversary of Sardar Vallabhbhai Patel, in Kevadia, Gujarat.
— ANI (@ANI) October 31, 2024
(Source: DD News) pic.twitter.com/bDV5JBlNSk
নতুন দিল্লীৰ পেটেল চ'কত ভাৰতৰ প্ৰথম উপ-প্ৰধানমন্ত্ৰী তথা গৃহমন্ত্ৰীগৰাকীৰ প্ৰতিমূৰ্তিত পুষ্পাঞ্জলি অৰ্পণ কৰে বিশিষ্ট ব্যক্তিসকলে । ১৮৭৫ চনত গুজৰাটৰ নাদিয়াদত জন্মগ্ৰহণ কৰা পেটেল ভাৰতৰ স্বাধীনতা সংগ্ৰামৰ এগৰাকী গুৰুত্বপূৰ্ণ ব্যক্তি আছিল । তেওঁৰ ব্যতিক্ৰমী নেতৃত্ব আৰু ৰাষ্ট্ৰীয় একতাৰ প্ৰতি অটল প্ৰতিশ্ৰুতিৰ বাবে তেওঁক 'ভাৰতৰ লৌহ মানৱ' হিচাপে বিভূষিত কৰা হয় আৰু তেওঁৰ অৱদানক স্মৰণ কৰা হয় ।
#WATCH | Gujarat: Prime Minister Narendra Modi witnesses 'Rashtriya Ekta Diwas' parade on the birth anniversary of Sardar Vallabhbhai Patel, in Kevadia. pic.twitter.com/W76KDlXoWz
— ANI (@ANI) October 31, 2024
উল্লেখ্য যে ৰাষ্ট্ৰীয় ঐক্য দিৱসৰ উদ্দেশ্য হৈছে বিবিধতা আৰু অনৈক্যৰ মাজতো বিভিন্ন ৰাজ্যসমূহে ৰাষ্ট্ৰীয় একতালৈ আগবঢ়োৱা বৰঙণিক স্মৰণ কৰা আৰু ভৱিষ্যতলৈ সমগ্ৰ দেশক একত্ৰিত কৰি ৰখাৰ বাবে কাম কৰা । এই দিৱসে দেশৰ একতাৰ বাবে ৰাজ্যসমূহে কৰা প্ৰচেষ্টাৰ স্মাৰক হিচাপে কাম কৰে আৰু দেশৰ জনসাধাৰণৰ মাজত একতাৰ ভাৱ কঢ়িয়াই আনে ।
