NEET বিতৰ্ক: ইছৰোৰ প্ৰাক্তন অধ্যক্ষৰ নেতৃত্বত গঠন উচ্চ পৰ্যায়ৰ সমিতি - NEET ROW

NEET Row: শিক্ষা মন্ত্ৰালয়ে পৰীক্ষাৰ স্বচ্ছ, মসৃণ আৰু নিৰপেক্ষ পৰিচালনা নিশ্চিত কৰাৰ বাবে উচ্চ-পৰ্যায়ৰ সমিতি গঠন কৰিছে । ইছৰোৰ প্ৰাক্তন অধ্যক্ষ ড০ কে ৰাধাকৃষ্ণণৰ নেতৃত্বত গঠন কৰা হৈছে এই সমিতি । দুমাহৰ ভিতৰত দিব প্ৰতিবেদন ।

নেশ্যনেল ডেস্ক,২২ জুন : UGC NET বাতিলক লৈ দেশজুৰি প্ৰতিক্ৰিয়া অব্যাহত আছে । ইয়াৰ মাজতে শিক্ষা মন্ত্ৰালয়ে পৰীক্ষাৰ স্বচ্ছ, মসৃণ আৰু নিৰপেক্ষ পৰিচালনা নিশ্চিত কৰাৰ বাবে বিশেষজ্ঞৰ এক উচ্চ-পৰ্যায়ৰ সমিতি গঠন কৰিছে । সমিতিখনে পৰীক্ষা প্ৰক্ৰিয়াৰ প্ৰণালী উন্নত কৰা, তথ্য সুৰক্ষা প্ৰট'কল উন্নত কৰা আৰু এনটিএৰ গাঁথনি আৰু কাৰ্যকলাপ উন্নত কৰাৰ বিষয়ে পৰামৰ্শ দিব ।

কেন্দ্ৰই শনিবাৰে উল্লেখ কৰা মতে ইছৰোৰ প্ৰাক্তন মুৰব্বীৰ নেতৃত্বত গঠন কৰা হৈছে এই উচ্চ-পৰ্যায়ৰ সমিতি । সমিতিখনে ইছৰোৰ প্ৰাক্তন অধ্যক্ষ তথা আইআইটি কানপুৰৰ বিঅ'জিৰ অধ্যক্ষ কে ৰাধাকৃষ্ণণৰ অধ্যক্ষতাত কাম কৰিব । শিক্ষা মন্ত্ৰালয়ৰ এগৰাকী বিষয়াই জনোৱা মতে সমিতিখনে দুমাহৰ ভিতৰত প্ৰতিবেদন দাখিল কৰিব আৰু পৰীক্ষা প্ৰক্ৰিয়াৰ প্ৰণালীত সংস্কাৰ, তথ্য সুৰক্ষা প্ৰটোকলৰ উন্নতি আৰু এনটিএৰ গাঁথনি আৰু কাৰ্যকলাপৰ ওপৰত প্ৰয়োজনীয় পৰামৰ্শ আগবঢ়াব ।