নেশ্যনেল ডেস্ক, ১০ মাৰ্চ : দেওবাৰে পুৱা উত্তৰ প্ৰদেশৰ জৌনপুৰত সংঘটিত হৈছে এক ডাঙৰ পথ দুৰ্ঘটনা । এখন ট্ৰাকে মহতিয়াই নিলে এখন চাৰি চকীয়া বাহনক ৷ ফলত চাৰি চকীয়া বাহনখনত থকা ৬ জন লোকৰ মৃত্যু হয় । মৃত লোকসকলৰ ভিতৰত দুগৰাকী মহিলাও আছে বুলি জানিব পৰা গৈছে ।
ইফালে এই দুৰ্ঘটনাতে আহত হৈছে তিনিজন লোক । তেওঁলোকক ইতিমধ্যে চিকিৎসালয়ত ভৰ্তি কৰোৱা হৈছে । জানিব পৰা মতে চাৰি চকীয়া বাহনখনে ৰাজপথত ঘূৰোৱালৈ লওতেই পিচফালৰ পৰা আহি থকা এখন তীব্ৰবেগী ট্ৰাকে খুন্দা মাৰে । যাৰ ফলত উক্ত দুৰ্ঘটনাটো সংঘটিত হয় ৷
আৰক্ষীয়ে উল্লেখ কৰা মতে, দুৰ্ঘটনাত পতিত আটাইকেইজনেই বিহাৰৰ জিলা সীতামড়ীৰ ৰিগা থানা এলেকাৰ ষ্টেচন ৰোডৰ বাসিন্দা । ইফালে ঘটনা সন্দৰ্ভত তথ্য লাভ কৰাৰ লগে লগে ঘটনাস্থলীত উপস্থিত হয় আৰক্ষী পৰিদৰ্শক লাইন কে কে চৌবে । তাৰ পাচতে আটাইকেইজন আহতক ঘটনাস্থলীৰ পৰা জিলা চিকিৎসালয়লৈ প্ৰেৰণ কৰা হয়, য’ত ৬ জন লোকক মৃত ঘোষণা কৰে চিকিৎসকে ।
ইতিমধ্যে মৃতদেহকেইটা মৰণোত্তৰ পৰীক্ষাৰ বাবে প্ৰেৰণ কৰা হৈছে বুলি জানিব পৰা গৈছে ৷ ইফালে আহতসকলৰ ভিতৰত তিনিজনৰ অৱস্থা গুৰুতৰ বুলি চিকিৎসকে সদৰী কৰিছে ।
মৃতক লোকসকলৰ নাম ক্ৰমে-
১) গজাধৰ শৰ্মাৰ পুত্ৰ অনিশ শৰ্মা (৩৫) ।
২) গজাধৰ শৰ্মা (৬০) পুত্ৰ লক্ষ্মণ শৰ্মাৰ ৷
৩) ৰাম প্ৰতাপৰ পুত্ৰ জৱাহৰ শৰ্মা (৫৭) ।
৪) জৱাহৰ শৰ্মাৰ পুত্ৰ গৌতম শৰ্মা (১৭) ।
৫) বজৰং শৰ্মাৰ পত্নী সোণম (৩৪) ।
৬) পৱন শৰ্মাৰ পত্নী ৰিংকু (৩২)।
আহত লোকসকলৰ নাম-
১) অৱধেশ শৰ্মাৰ পুত্ৰ জীতু শৰ্মা (২৫) ।
২) মীনা দেৱী (৪০) পত্নী গজাধৰ ৷
৩) যুগ শৰ্মা (৮) পুত্ৰ বজৰং শৰ্মা ৷
লগতে পঢ়ক : হাজোৰ বৰ্ণিত পথ দুৰ্ঘটনাত প্ৰাণ গ'ল এজনৰ, আহত ১০ ৰো অধিক
