শ্ৰীনগৰ : জম্মু-কাশ্মীৰৰ গান্দেৰবাল জিলাত ভয়ংকৰ সন্ত্ৰাসবাদী আক্ৰমণৰ ঘটনা পোহৰলৈ আহিছে । শ্ৰীনাগা-লেহ ৰাষ্ট্ৰীয় ঘাইপথত এটা সুৰংগৰ নিৰ্মাণস্থলীত অচিনাক্ত সন্ত্ৰাসবাদীৰ গুলীচালনাত এগৰাকী চিকিৎসক আৰু ৬ জন শ্ৰমিক নিহত হয় । এই আক্ৰমণ দেওবাৰে সন্ধিয়া সংঘটিত হয় । কাম শেষ কৰি গুণ্ডত শিবিৰলৈ উভতি অহাৰ সময়তে শ্ৰমিকসকলক লক্ষ্য কৰি সন্ত্ৰাসবাদীয়ে আক্ৰমণ কৰে ।
চিকিৎসকসহ ৭ শ্ৰমিক নিহত
প্ৰাথমিক প্ৰতিবেদন অনুসৰি দুই সন্ত্ৰাসবাদীয়ে শ্ৰমিকৰ দলটোক লক্ষ্য কৰি লৈছিল । ফলত ঘটনাস্থলীতে দুজন শ্ৰমিকৰ মৃত্যু হয় । পৰৱৰ্তী সময়ত আন ৪ জন শ্ৰমিক আৰু চিকিৎসকৰ মৃত্যু হয় । নিহতসকলক ডাঃ শ্বাহনৱাজ ফাহিম নাজিৰ, কলিম, মহম্মদ হানিফ, শশী আব্ৰল, অনিল শুক্লা আৰু গুৰমিত সিং বুলি চিনাক্ত কৰা হৈছে ।
এই আক্ৰমণত আন ৫ জন শ্ৰমিকো আহত হয় । নিৰাপত্তা বাহিনীয়ে সমগ্ৰ অঞ্চলটো ঘেৰাও কৰি ৰাখিছে আৰু আক্ৰমণকাৰীৰ বিৰুদ্ধে অভিযান আৰম্ভ কৰিছে ।
গৃহমন্ত্ৰীৰ প্ৰতিক্ৰিয়া
জম্মু-কাশ্মীৰৰ বিভিন্ন প্ৰান্তত সন্ত্ৰাসবাদীৰ বিৰুদ্ধে নিৰাপত্তা বাহিনীৰ অভিযান চলি থকাৰ মাজতে এনে আক্ৰমণে পুনৰ এবাৰ সকলোকে উদ্বিগ্ন কৰি তুলিছে । ইফালে এই ঘটনা তীব্ৰ গৰিহণা দিছে কেন্দ্ৰীয় গৃহমন্ত্ৰী অমিত শ্বাহে । ইয়াক ‘‘কাপুৰুষৰ ঘৃণনীয় কাৰ্য’’ বুলিও তেওঁ অভিহিত কৰে ।
The dastardly terror attack on civilians in Gagangir, J&K, is a despicable act of cowardice. Those involved in this heinous act will not be spared and will face the harshest response from our security forces. At this moment of immense grief, I extend my sincerest condolences to…
— Amit Shah (@AmitShah) October 20, 2024
তেওঁ আশ্বাস দিছে যে দোষীয়ে নিৰাপত্তা বাহিনীৰ তীব্ৰ প্ৰত্যুত্তৰৰ সন্মুখীন হ'ব । তেওঁ এক্সৰ এক পোষ্টত লিখিছে, "মই মৃতকৰ পৰিয়াললৈ সমবেদনা জ্ঞাপন কৰিছো আৰু আহতসকলৰ দ্ৰুত আৰোগ্যৰ বাবে প্ৰাৰ্থনা জনাইছো ।"
লেফটেনেণ্ট জেনেৰেল মনোজ সিনহাৰ প্ৰতিক্ৰিয়া
জম্মু-কাশ্মীৰৰ লেফটেনেণ্ট জেনেৰেল মনোজ সিনহাইও দোষীক শাস্তি প্ৰদানৰ ওপৰত জোৰ দিয়ে । এক্সৰ এটা পোষ্টত সিনহাই লিখিছে, "আমি জম্মু-কাশ্মীৰ আৰক্ষী, সেনা আৰু নিৰাপত্তা বাহিনীক ব্যৱস্থা লোৱাৰ সম্পূৰ্ণ স্বাধীনতা দিছো ।"
I strongly condemn the heinous terrorist attack on civilians in Gagangeer. I assure the people that those behind this despicable act will not go unpunished. We have given full freedom to J&K Police, Army and Security forces.
— Office of LG J&K (@OfficeOfLGJandK) October 20, 2024
বিৰোধীৰ প্ৰতিক্ৰিয়া
ইফালে বিৰোধী দল কংগ্ৰেছৰ নেত্ৰী প্ৰিয়ংকা গান্ধী ভাদ্ৰাইও এই হত্যাকাণ্ডক গৰিহণা দি কয় যে নিৰীহ লোকসকলক লক্ষ্য কৰি লোৱাটো মানৱতাৰ বিৰুদ্ধে অপৰাধ । শোকসন্তপ্ত পৰিয়ালসমূহলৈ সমবেদনা জ্ঞাপন কৰি আৰু আহতসকলৰ দ্ৰুত আৰোগ্য কামনা কৰে ৷
गांदरबल, जम्मू-कश्मीर में कायराना आतंकी हमले में 5 मजदूरों समेत छह नागरिकों की हत्या अत्यंत निंदनीय है।
— Priyanka Gandhi Vadra (@priyankagandhi) October 20, 2024
निर्दोष नागरिकों की हत्या करके आम जनता के बीच हिंसा व दहशत फैलाने जैसे कृत्य मानवता के विरुद्ध अपराध हैं। इसके खिलाफ पूरा देश एकजुट है।
शोक-संतप्त परिवारों के प्रति मेरी…
তেওঁ কয়, "এনে ধৰণৰ হিংসাত্মক কাৰ্যৰ বিৰুদ্ধে সমগ্ৰ দেশ একত্ৰিত হৈ আছে । জম্মু-কাশ্মীৰৰ প্ৰাক্তন মুখ্যমন্ত্ৰী মেহবুবা মুফতীয়েও এই হিংসাত্মক ঘটনাৰ প্ৰতিক্ৰিয়া প্ৰকাশ কৰে ।’’
