নিউজ ডেস্ক, 10 অক্টোবৰ: শেহতীয়াকৈ অসমত চলি থকা এটা বিতৰ্ক হৈছে ‘হনুমেন’ ৷ পৰিচালক হিমাংশু প্ৰসাদ দাসৰ পৰিচালনাৰে মুক্তিৰ অপেক্ষাত থকা ‘হনুমেন’ ছবিখনক লৈ ব্যাপক চৰ্চা হৈছে ৷ হিন্দু ধৰ্মৰ উপাস্য ভগৱান হনুমানক অপমান কৰাৰ অভিযোগ উঠিছে ছবিখন তথা পৰিচালকৰ বিৰুদ্ধে ৷ ইয়াৰ মাজতেই লৈ আহিছোঁ আন এক খবৰ ৷ এইবাৰ হনুমানৰ ধৰ্মক লৈ সূত্ৰপাত ঘটিছে আন এক বিতৰ্কৰ ৷
হনুমান মুছলমান-
শ্ৰেণীকোঠাত পাঠদানৰ সময়ত এগৰাকী শিক্ষকে ছাত্ৰ-ছাত্ৰীক কয় যে ৰামভক্ত হনুমান আচলতে মুছলমান আছিল ৷ শিক্ষাগুৰুৱে যি শিক্ষা প্ৰদান কৰে ছাত্ৰ-ছাত্ৰীয়ে তাকেই গ্ৰহণ কৰে ৷ কিন্তু এইগৰাকী শিক্ষকে ছাত্ৰ-ছাত্ৰীক যি পাঠ দিলে, সেয়া এতিয়া চৰ্চাৰ বিষয় হৈ পৰিছে ৷ নিজৰ বৃত্তিক পাহৰি ধৰ্মীয় মেৰুকৰণ তথা ৰাজনীতি কৰা বুলি অভিযোগ উঠিছে শিক্ষকগৰাকীৰ বিৰুদ্ধে ৷
बछवाड़ा प्रखंड के हरपुर, कादरावाद (बेगूसराय) के उत्क्रमित मध्य विद्यालय में शिक्षक जियाउद्दीन द्वारा भगवान राम और हनुमान जी को मुसलमान बताने पर ग्रामीणों ने विरोध जताया।
— Shandilya Giriraj Singh (@girirajsinghbjp) October 9, 2024
जियाउद्दीन ने इसे स्वीकारा और मुस्लिम छात्राओं समेत अन्य ने पुष्टि की।
समाज में विद्वेष फैलाने वाले ऐसे… pic.twitter.com/CIPYSALvhH
যোৱা মঙলবাৰৰ ঘটনা ৷ এখন মধ্য ইংৰাজী বিদ্যালয়ত এজন শিক্ষকে পাঠদানৰ সময়ত ছাত্ৰ-ছাত্ৰীক কয় যে ভগৱান হনুমান মুছলমান আছিল ৷ শ্ৰী ৰামচন্দ্ৰই তেওঁ নামাজ পঢ়ুৱাইছিল ৷ এই খবৰ লাভ কৰাৰ লগে লগেই ছাত্ৰ-ছাত্ৰীৰ অভিভাৱক তথা স্থানীয় গাঁওবাসী ক্ৰোধিত হৈ পৰে ৷ ৰাইজৰ ক্ৰোধ দেখি অৱশেষত জিয়াউদ্দিন নামৰ শিক্ষকজনে ৰাজহুৱাকৈ ক্ষমা বিচাৰে ৷ কিন্তু বৰ্তমানেও ৰাইজৰ ক্ষোভ মাৰ যোৱা নাই ৷ কেন্দ্ৰীয় মন্ত্ৰী গিৰিৰাজ সিঙে শিক্ষকজনৰ বিৰুদ্ধে তদন্ত কৰিবলৈ নিৰ্দেশ দিছে ৷ এই ঘটনাটো সংঘটিত হৈছে বিহাৰৰ বেগুচৰাইৰ হৰিপুৰ কেদাৰবাদ মধ্য ইংৰাজী বিদ্যালয়ত ৷
‘‘এয়া সমাজত বিদ্বেষ বিয়পোৱা মন্তব্য ৷ বিদ্যালয়ৰ পৰিৱেশ বিঘ্নিত কৰাৰ এক ষড়যন্ত্ৰ ৷ শিক্ষক জিয়াউদ্দিনৰ বিৰুদ্ধে মুখ্যমন্ত্ৰীৰ দ্বাৰা তদন্ত কৰাৰ দাবী জনাইছোঁ ৷ এনে শিক্ষকৰ ওপৰত সমাজৰ ভৰষা নোহোৱা হৈছে ৷’’ গিৰিৰাজ সিং, কেন্দ্ৰীয় মন্ত্ৰী ৷
হিন্দু দেৱ-দেৱীক অপমান: জিয়াউদ্দিনে ২০১৬ চনৰ পৰা এই বিদ্যালয়ত কৰ্মৰত হৈ আছিল । গংগা নদীক লৈও তেওঁ শিশুসকলক অপমানজনক মন্তব্য কৰাৰ অভিযোগ উঠিছিল । গংগা নদীৰ শক্তিক লৈ প্ৰশ্ন উত্থাপন কৰি তেওঁ শিশুসকলক কৈছিল যে গংগা নদী কোনো দেৱীৰ ৰূপ নহয় । যদি এনেকুৱাই আছিল তেন্তে গংগা নদীত মানুহ ডুব গৈ কিয় মৃত্যুবৰণ কৰে ? এই বিষয়ে ৰাইজে গম পোৱাৰ লগে লগে তেওঁলোকে বিদ্যালয়ত উপস্থিত হৈ প্ৰতিবাদ সাব্যস্ত কৰে । বুধবাৰেও বিদ্যালয়খনত হুলস্থুলৰ সৃষ্টি কৰিছিল ৰাইজে । পাচত জিয়াউদ্দিনে ক্ষমা বিচাৰে, আনকি ৰাইজে তেওঁৰ বিৰুদ্ধে এজাহাৰ দাখিল কৰি নিলম্বনৰ দাবী তুলিছিল ৷
ছাত্ৰ-ছাত্ৰীয়ে কি কয়: সপ্তম শ্ৰেণীত অধ্যয়ন কৰা এজন ছাত্ৰই কয় যে জিয়াউদ্দিন নামৰ শিক্ষকজনে শ্ৰেণীকোঠাত কৈছে যে হনুমান এজন মুছলমান । হনুমান পঢ়া-শুনাত অদক্ষ আছিল । অজ্ঞতাৰ বাবেই তেওঁ পাহাৰ দাঙি আনিছিল । সপ্তম শ্ৰেণীৰ আন এগৰাকী ছাত্ৰীয়ে কয় যে জিয়াউদ্দিন নামৰ শিক্ষকজনে ভগৱান ৰামে প্ৰথমবাৰৰ বাবে হনুমানক নামাজ শিকাইছিল বুলি কৈছিল । আন ছাত্ৰ-ছাত্ৰীয়েও এই কথাত সন্মতি প্ৰকাশ কৰে ।
অভিভাৱকৰ মাজত ক্ষোভ: গাঁওবাসী দীপক কুমাৰে এই কাৰ্যৰ বাবে শিক্ষকজনক বিদ্যালয়ৰ পৰা বহিষ্কাৰ কৰিবলৈ দাবী জনায় । দীপকে কয় যে হিন্দু দেৱ-দেৱীৰ বিষয়ে ভুলকৈ শিকোৱা শিক্ষকগৰাকীক লৈ ছাত্ৰ-ছাত্ৰীৰ মাজত যথেষ্ট ক্ষোভৰ সৃষ্টি হৈছে । ৰাজেশ কুমাৰ পোদ্দাৰে জনোৱা মতে, তেওঁৰ সন্তানে ঘৰ পোৱাৰ লগে লগে শিক্ষকে শিকোৱা কথাখিনি কয় । বলৰাম প্ৰসাদ সিঙে কয় যে শিক্ষকৰ এই বক্তব্যক আমি তীব্ৰ গৰিহণা দিছো ।
"তথ্য লাভ কৰা হৈছে যে শিক্ষকে ল'ৰা-ছোৱালীক ভগৱান ৰাম, হনুমান আৰু নমাজ সন্দৰ্ভত কিবা এটা কৈছিল । তথ্য পোৱাৰ পাচত গাঁৱৰ মানুহ, গাঁওবুঢ়া আদি গোট খাইছে । ইয়াৰ পাচত শিক্ষক জিয়াউদ্দিনে ৰাইজৰ ওচৰত ক্ষমা বিচাৰিছে । তেওঁ পুনৰ এনে ভুল নকৰে বুলি কৈছে ।’’ শৈল কুমাৰী, অধ্যক্ষ ৷
অভিযুক্ত শিক্ষকজনে কি কয়: এই গোচৰত অভিযুক্ত শিক্ষক মহম্মদ জিয়াউদ্দিনে কয় যে তেওঁ যি ভুল কৰিছে তাৰ বাবে সমাজৰ ওচৰত ক্ষমা বিচাৰিছে । ভৱিষ্যতে এনে ভুল নকৰে । তেওঁ ছাত্ৰ-ছাত্ৰীক মুছলিম ইমামৰ কথা কৈছে বুলি কয় । কিন্তু ল’ৰা-ছোৱালীক কি শিকাইছে সেই প্ৰশ্নৰ উত্তৰত মৌন হৈ থাকে । এই বিষয়ে তেওঁ কেনেকৈ জানিব পাৰিলে সেই প্ৰশ্নৰো তেওঁ কোনো উত্তৰ দিয়া নাছিল ।
লগতে পঢ়ক: বিতৰ্কত ‘জয় হনুমেন’; সনাতন ধৰ্মৰ ভগৱানক অপমান কৰাৰ অভিযোগ
কি কাৰণে পৰিচালক হিমাংশুৱে ক’লে জয় হনুমেনৰ প্ৰদৰ্শন বন্ধ কৰাৰ কথা - Assamese movie Joy Hanu man
