নেশ্যনেল ডেস্ক, 8 জুন : 6 জুনত চণ্ডীগড় বিমানবন্দৰত হঠাৎ বিশৃংখলতাৰ সৃষ্টি হোৱাৰ লগতে তীব্ৰ হুলস্থূলৰ সৃষ্টি হয় ৷ ইয়াৰ পিচতে খবৰ ওলাই যে চণ্ডীগড় বিমানবন্দৰত নিৰাপত্তাত নিয়োজিত চি আই এছ এফৰ কনিষ্টবল কুলৱিন্দৰ কৌৰে হিমাচল প্ৰদেশৰ মাণ্ডী লোকসভা আসনৰ পৰা বিজেপিৰ নৱনিৰ্বাচিত সাংসদ কংগনা ৰনৌতক চৰ মাৰে ৷ এই ঘটনাৰ বহু ভিডিঅ’ পোহৰলৈ আহিছে, য’ত কংগনাক বিমানবন্দৰত নিৰাপত্তাৰক্ষীৰ সৈতে তৰ্কত লিপ্ত হোৱা দেখা গৈছে ৷ কিছু সময়ৰ পাচত কংগনাই ছ’চিয়েল মিডিয়াত এটা ভিডিঅ’যোগে বিষয়টো বিতংভাৱে ব্যাখ্যা কৰে ৷
6 জুন 2024 ৰ ঘটনা :
বিজেপিৰ সাংসদ কংগনা ৰনৌতে অভিযোগ কৰে যে যেতিয়া তেওঁ দিল্লীলৈ গৈ আছিল, চণ্ডীগড় বিমানবন্দৰত নিৰাপত্তাত নিযুক্ত চি আই এছ এফৰ কনিষ্টবল কুলবিন্দৰ কৌৰে তেওঁক চৰ মাৰিছিল ৷ কংগনাৰ মতে, যেতিয়া তেওঁ দিল্লী ভ্ৰমণ কৰিবলৈ চণ্ডীগড় বিমানবন্দৰৰ বৰ্ডিং পইণ্টৰ ফালে গৈ আছিল, চি আই এছ এফ বিষয়া কুলবিন্দৰ কৌৰে তেওঁৰ সৈতে তৰ্ক কৰিছিল আৰু তেওঁক চৰ মাৰিছিল ৷ কংগনাই সামাজিক মাধ্যমত ভিডিঅ'যোগে এই অভিযোগ কৰে আৰু আৰক্ষীক অভিযোগ দাখিল কৰে ৷
মহিলা কনিষ্টবলৰ ভিডিঅ' পোহৰলৈ আহিছে !
ঘটনাটোৰ অলপ পিচতে, আন এটা ভিডিঅ' পোহৰলৈ আহে ৷ ভিডিঅ'টোত, কংগনাক চৰ মৰা চি আই এছ এফৰ মহিলা কনিষ্টবল কুলবিন্দৰক দেখা গৈছিল ৷ ভিডিঅ’ত কুলৱিন্দৰে কয় যে, কৃষক আন্দোলনৰ সময়ত কংগনাই মহিলাসকলে এশ এশ টকা লৈ আন্দোলনত অংশগ্ৰহণ কৰিছে বুলি মন্তব্য কৰিছিল৷ তেওঁৰ মাতৃও সেই আন্দোলনত আছিল বুলি কয় মহিলা কনিষ্টবলগৰাকীয়ে ৷ চৰ্চা অনুসৰি কুলৱিন্দৰৰ কংগনাৰ এই মন্তব্যত খং উঠিছিল ৷ যাৰ বাবে তেওঁ এই ঘটনাটো সংঘটিত কৰে বুলি অভিযোগ উত্থাপন হৈছে ৷
মহিলা কনিষ্টবলৰ বিৰুদ্ধে দাখিল এফ আই আৰ :
অতি কম সময়ৰ ভিতৰতে বিষয়টো তীব্ৰতৰ হৈ পৰে ৷ কংগনাৰ অভিযোগৰ ভিত্তিত চি আই এছ এফৰ কনিষ্টবল কুলবিন্দৰ কৌৰৰ বিৰুদ্ধে এফ আই আৰ ৰুজু হৈছে ৷ আৰক্ষীয়ে কুলৱিন্দৰৰ বিৰুদ্ধে আই পি চিৰ 323 আৰু 341 ধাৰাত গোচৰ ৰুজু কৰিছে ৷ তদুপৰি চি আই এছ এফে কুলবিন্দৰ কৌৰক নিলম্বন কৰিছে ৷
কৃষক সংগঠনে সমৰ্থন কৰিলে কুলৱিন্দৰ কৌৰক :
পঞ্জাৱ, হাৰিয়ানা আৰু উত্ৰ প্ৰদেশৰ কৃষক সংগঠনে এই বিষয়ত চি আই এছ এফৰ জোৱান কুলবিন্দৰ কৌৰক সমৰ্থন কৰিছে ৷ ভাৰতীয় কিষাণ সংঘৰ নেতা ৰাকেশ টিকাইটে কংগনাই ভুল বক্তব্য দিয়া বুলি মন্তব্য কৰে ৷ যাৰ বাবে তেওঁৰ অনুভৱবোৰ আঘাতপ্ৰাপ্ত হৈছিল ৷ পঞ্জাৱক খালিস্তানী বুলি কোৱা হৈছিল ৷ এবছৰ ধৰি তেওঁক অপমান কৰা হৈছিল ৷ ৰাকেশ টিকাইটে কয় যে কুলবিন্দৰৰ বিৰুদ্ধে যদি ভুল ব্যৱস্থা গ্ৰহণ কৰা হয় তেন্তে ইয়াৰ বিৰুদ্ধে প্ৰতিবাদ হ’ব ৷ সমগ্ৰ পঞ্জাৱ আৰু কৃষক সমাজ তেওঁৰ লগত আছে ৷
লগতে পঢ়ক : কংগনাক প্ৰহাৰ কৰি নিশাৰ ভিতৰতে চৰ্চালৈ অহা কোন এই কুলবিন্দৰ কৌৰ ? - who is Kulwinder Kaur
কুলৱিন্দৰক সন্মান জনোৱাৰ সিদ্ধান্ত :
জিন্দৰ উচানাৰ কৃষকসকলে চি আই এছ এফৰ কনিষ্টবল কুলবিন্দৰ কৌৰক সন্মান জনোৱাৰ ঘোষণা কৰিছে ৷ বৈঠকত সৰ্বসন্মতিক্ৰমে সিদ্ধান্ত লোৱা হয় যে কংগনাক চৰ মৰা কুলবিন্দৰ কৌৰৰ মুক্তিৰ পিচত তেওঁক উচানালৈ মাতি আনি সন্মানিত কৰা হ’ব ৷ কৃষক নেতা আজাদ পালৱানে কয় যে কুলবিন্দৰ কৌৰে কংগনাক চৰ মাৰিছে ৷ ইয়াৰ প্ৰতিধ্বনি সমগ্ৰ বিশ্বতে বিয়পি পৰিছে ৷ কুলবিন্দৰ কৌৰৰ আৱেগত আঘাত হানিছিল ৷ কাৰোবাৰ অনুভৱৰ লগত খেলা-ধূলা কৰা, কাৰোবাৰ পিতৃ-মাতৃক কিবা ভুল কোৱাটো ঠিক নহয় ৷ সেইবাবেই তেওঁ কুলবিন্দৰ কৌৰৰ পক্ষত থিয় দিছে ৷
কুলৱিন্দৰ কৌৰে ছ’চিয়েল মিডিয়াত এটাৰ পিচত এটাকৈ পোষ্ট কৰে :
কংগনা ৰনৌতক চৰ মৰা চি আই এছ এফৰ মহিলা নিৰাপত্তাৰক্ষী কুলবিন্দৰ কৌৰে ইটোৰ পিচত সিটোকৈ ছ’চিয়েল মিডিয়াত পোষ্ট কৰি নিজৰ ক্ষোভ প্ৰকাশ কৰিছে ৷ কুলৱিন্দৰে কয় যে আত্মসন্মানৰ কথা আহিলে চাকৰি, সিংহাসন আৰু মুকুটৰ কথা বিবেচনা কৰা নহয় ৷ ছ’চিয়েল মিডিয়াত লিখিছে, "এই চাকৰিটো হেৰুৱাবলৈ মোৰ ভয় নাই...মাক সন্মান জনাই এনে হাজাৰ হাজাৰ চাকৰি হেৰুৱাবলৈ সাজু ৷"
বৰ্তমানেও এই বিষয়টো শান্ত হোৱা নাই ৷ কৃষকসকলে কয় যে যদি কুলবিন্দৰ কৌৰৰ বিৰুদ্ধে কোনো ব্যৱস্থা গ্ৰহণ কৰা হয় তেন্তে তেওঁলোকে প্ৰতিবাদ কৰিবলৈ বাধ্য হ’ব ৷ গতিকে এই বিষয়ত কৃষকে আকৌ এবাৰ চৰকাৰৰ বিৰুদ্ধে ফ্ৰণ্ট খুলিব পাৰে ৷ কৃষকৰ মতে কংগনাই কৃষকক অপমান কৰিছিল, যাৰ প্ৰতিশোধ লৈছে কুলবিন্দৰ কৌৰে ৷
লগতে পঢ়ক : কুলবিন্দৰ কৌৰলৈ মুকলি সমৰ্থন বিশাল দাদলানীৰ - CISF Woman Slapping Kangana Ranaut
