নেশ্যনেল ডেস্ক,২৭ এপ্ৰিল: নিৰ্বাচনৰ বতাহ বলি থকাৰ মাজতে ইন্দোৰত বলিল ধৰ্মান্তৰকৰণৰ বতাহ । ৭ গৰাকীকৈ ইছলামধৰ্মী লোক ধৰ্মান্তৰিত হ'ল হিন্দু ধৰ্মলৈ । শনিবাৰে, ইন্দোৰত মুছলমান ধৰ্মৰ যুৱক, মহিলাকে আদি কৰি মুঠ ৭ গৰাকীকৈ লোকে হিন্দু ধৰ্ম গ্ৰহণ কৰে । হিন্দু ৰীতি-নীতি অনুসৰি, তেওঁলোকক প্ৰথমে পণ্ডিতসকলে প্ৰায়চিত্ত কৰি তেওঁলোকক হোমযজ্ঞ আদিৰ দ্বাৰা হিন্দু ধৰ্মলৈ ধৰ্মান্তৰিত কৰে ।
- " class="align-text-top noRightClick twitterSection" data="">
যিসকলে তেওঁলোকৰ মুছলমান পৰিয়াল ত্যাগ কৰিছে আৰু হিন্দু ধৰ্ম গ্ৰহণ কৰিছে তেওঁলোকে কয় যে, তেওঁলোকে হিন্দু ধৰ্মত থকা ৰীতি-নীতিৰ কথা বিবেচনা কৰি দীৰ্ঘদিন ধৰি হিন্দু ধৰ্মৰ ৰীতি-নীতি পালন কৰি আহিছে । খাজৰানা অঞ্চলত বাস কৰা ইন্দোৰৰ বাসিন্দা হায়দৰ শ্বেইখেও হিন্দু ধৰ্ম গ্ৰহণ কৰাৰ পাচত তেওঁ হায়দৰৰ পৰা হৰি নাম গ্ৰহণ কৰে ।
হায়দৰ শ্বেখ অৰ্থাৎ হৰিয়ে কয়, "আজি এনে অনুভৱ হয় যেন মই এটা নতুন জন্ম লৈছো ।" লগতে বহু বছৰৰ পিচত আপুনি কিয় এনে অনুভৱ কৰিছে বুলি সোধাত তেওঁ কয়, "মই দীৰ্ঘদিন ধৰি এই বিষয়ে চিন্তা কৰি আছিলো । ইয়াৰ পিচত, মই মোৰ পৰিয়ালক কৈছিলো আৰু তেওঁলোকেও কোনো আপত্তি কৰা নাছিল । যেতিয়া মই হিন্দু ধৰ্মলৈ ধৰ্মান্তৰিত হোৱাৰ ইচ্ছা প্ৰকাশ কৰিছিলো, কিছুমান লোকে মোক সমৰ্থন কৰিছিল আৰু যাৰ পৰিপ্ৰেক্ষিতত আজি মই এই ধৰ্মলৈ আহিছো ।"
ইয়াৰোপৰি ইন্দোৰৰ মান্দসৌৰৰ বাসিন্দা পাৰবীন বি পল্লৱী নামেৰে ধৰ্মান্তৰ হয় । একে সময়তে, ইৰফানে হিন্দু ধৰ্ম গ্ৰহণ কৰি আৰু ঈশ্বৰ নাম গ্ৰহণ কৰে । আনহাতে গফৰ গোবিন্দ হ'ল আৰু তামান্না তনু হ'ল । গফৰ, যি এতিয়া গোবিন্দ নাম গ্ৰহণ কৰিছে তেওঁ মূলতঃ মান্দসৌৰৰ বাসিন্দা । তেওঁ কয় যে প্ৰধানমন্ত্ৰী নৰেন্দ্ৰ মোদীয়ে দেশখনত যি ধৰণে কাম কৰি আছে সেয়া বিবেচনা কৰি তেওঁ আজি মুছলমান ধৰ্ম ত্যাগ কৰি হিন্দু ধৰ্ম গ্ৰহণ কৰে ।
ইফালে এই তথ্য পোহৰলৈ অহাৰ পিচতে হিন্দু সংগঠনসমূহে দাবী কৰে যে অনাগত দিনত আৰু বহু লোকে মুছলমান ধৰ্ম ত্যাগ কৰি সনাতন আৰু হিন্দু ধৰ্মলৈ আহিব । লোকসভা নিৰ্বাচনৰ মাজতে, হিন্দুত্ববাদী সংগঠনটোৱে যিদৰে সাতজন মুছলমানক হিন্দু ধৰ্ম গ্ৰহণ কৰিছে তাক লৈ বহু প্ৰশ্নও উত্থাপন হোৱা পৰিলক্ষিত হৈছে ।
লগতে পঢ়ক: বেংগালুৰুত প্ৰায় ৫০ শতাংশ লোকে নকৰিলে ভোটদান - Lok Sabha Election 2024
