নেশ্যনেল ডেস্ক, 11 আগষ্ট : মধ্যপ্ৰদেশৰ গুণাত বিমান দুৰ্ঘটনাগ্ৰস্ত ৷ বিমানখন মেৰামতি কৰাৰ পিচত পৰীক্ষণৰ সময়ত সংঘটিত হয় এই দুৰ্ঘটনা ৷ গুণাৰ শ্বা শিব ফ্লাইং একাডেমীৰ বিমান পথৰ একেবাৰে ওচৰতে সংঘটিত হয় এই দুৰ্ঘটনা ৷ ঘটনা সন্দৰ্ভত তথ্য লাভ কৰাৰ লগে লগে আৰক্ষী ঘটনা সংঘটিত হোৱা স্থানত উপস্থিত হয় ৷ জানিব পৰা মতে বিমানখনত থকা দুয়োজন পাইলট আহত হৈছে ৷ দুয়োজন পাইলটকে চিকিৎসাৰ বাবে মহানগৰীৰ এখন ব্যক্তিগত চিকিৎসালয়ত ভৰ্তি কৰোৱা হৈছে ৷ এজন পাইলটৰ অৱস্থা সংকটজনক বুলি সূত্ৰ অনুসৰি জানিব পৰা গৈছে ৷
गुना में एक टू सीटर एयरक्राफ्ट के टेस्ट फ्लाइट के दौरान दुर्घटनाग्रस्त होने का दुखद समाचार प्राप्त हुआ है। हादसे में घायल हुए पायलट एवं को-पायलट का इलाज चल रहा है।
— Jyotiraditya M. Scindia (@JM_Scindia) August 11, 2024
मैं ईश्वर से प्रार्थना करता हूँ कि वे हादसे में घायल हुए लोगों को शीघ्र स्वास्थ्य लाभ प्रदान करें।
মেৰামতিৰ পিচত চলি আছিল পৰীক্ষণ :
দেওবাৰে দুপৰীয়া 1.10 বজাত সংঘটিত হয় এই দুৰ্ঘটনাটো ৷ আচলতে কৰ্ণাটকৰ প্ৰতিষ্ঠান ৱেলগাবিয়া এভিয়েশ্যনে 3 খন বিমান চাৰ্ভিচিঙৰ বাবে গুণাৰ শ্বা শ্বিব ফ্লাইং একাডেমীলৈ প্ৰেৰণ কৰিছিল ৷ বিমানখন ছাৰ্ভিচিং কৰাৰ পিচত পৰীক্ষামূলকভাৱে চলোৱা হৈছিল ৷ যাৰবাবে বিমানখনে দুপৰীয়া 12.30 বজাত শ্বা শিব একাডেমীৰ পৰা উৰা মাৰিছিল ৷ দুপৰীয়া 1.10 বজাত পুনৰ একে ঠাইতে অৱতৰণ কৰিব লগা আছিল বিমানখনে ৷ এই দুজনীয়া বিমানখন কেপ্তেইন বিজয় চন্দ্ৰ ঠাকুৰ আৰু তেওঁৰ এজন সহযোগী পাইলটে উৰুৱাইছিল ৷ উভতি অহাৰ সময়ত বিমানখন বিমান পথত অৰ্থাৎ ৰাণৱে’ত উপনীত হোৱাৰ ঠিক আগতেই একাডেমীৰ চৌহদত দুৰ্ঘটনাগ্ৰস্ত হয় ৷
লগতে পঢ়ক : সন্ত্ৰাসবাদীৰে ভাৰতীয় সেনাৰ গুলীয়াগুলীত শ্বহীদ 2 জোৱান, সাধাৰণ নাগৰিকসহ আহত 6 গৰাকী - Anantnag encounter
দুয়োজন পাইলটকে চিকিৎসালয়ত ভৰ্তি কৰোৱা হয় :
এই দুৰ্ঘটনাত দুয়োজন পাইলট আহত হৈছে ৷ বিমানখনৰো বেয়াকৈ ক্ষতিসাধন হয় বুলি জানিব পৰা গৈছে ৷ দুৰ্ঘটনাটোৰ তথ্য পোৱাৰ লগে লগে গুণা কেণ্ট থানাৰ আৰক্ষী বিষয়াই সেই স্থানত উপস্থিত হয় ৷ আৰক্ষীয়ে দুয়োজন পাইলটকে ওচৰৰ ব্যক্তিগত চিকিৎসালয়ত ভৰ্তি কৰে ৷ য'ত কেপ্তেইন বিজয় চন্দ্ৰ ঠাকুৰৰ অৱস্থা সংকটজনক বুলি জানিব পৰা গৈছে ৷ বিমানখনত উপস্থিত থকা দুয়োজন পাইলট হায়দৰাবাদৰ ৷ প্ৰশিক্ষণ প্ৰতিষ্ঠানে তেওঁলোকক নিযুক্তি দিছিল ৷ বিমানখন দুৰ্ঘটনাগ্ৰস্ত হোৱাৰ কাৰণ ইয়াৰ ইঞ্জিন বিকল হোৱা বুলি কোৱা হৈছে ৷
লগতে পঢ়ক : বাঢ়নী পানীয়ে উটুৱাই নিলে বিবাহ যাত্ৰীৰ বাহন, 9 জনৰ মৃত্যু - PUNJAB FLOOD
