নেশ্যনেল ডেস্ক, 17 জুলাই: অসমৰ বান সমস্যা সন্দৰ্ভত প্ৰধানমন্ত্ৰী নৰেন্দ্ৰ মোদীক সাক্ষাৎ কৰাৰ পিছত অসমৰ ৰাজ্যপাল গুলাবচান্দ কাটাৰিয়াই নতুন দিল্লীত দেশৰ গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিং আৰু লোকসভাৰ অধ্যক্ষ ওম বিৰলাক সাক্ষাৎ কৰে । উগ্ৰপন্থী সংগঠনৰ সৈতে হোৱা চুক্তিৰ পিচত অসমলৈ পুনৰ শান্তি ঘূৰাই অনাৰ বাবে গৃহমন্ত্ৰী শ্বাহৰ প্ৰতি কৃতজ্ঞতা জ্ঞাপন কৰে কাটাৰিয়াই ।
I am honoured to have met Hon'ble Prime Minister, Shri Narendra Modi ji, in New Delhi this evening. In view of the flood that affected the state, the Prime Minister said that the Centre is with the State Government to deal with the situation and empower the state in mitigating… pic.twitter.com/Q5VezqZca3
— Gulab Chand Kataria (@Gulab_kataria) July 15, 2024
ৰাজ্যপাল কাটাৰিয়া আৰু গৃহমন্ত্ৰী শ্বাহৰ বৈঠকত বানাক্ৰান্ত অসমৰ জনসাধাৰণক পাৰ্যমানে সহায় আগবঢ়োৱা সন্দৰ্ভত আলোচনা হয় । উগ্ৰপন্থী সংগঠনৰ সৈতে হোৱা চুক্তিৰ পাচত অসমলৈ শান্তি ঘূৰি অহা প্ৰসংগ উত্থাপন কৰি কাটাৰিয়াই কয় যে অসমৰ বাসিন্দাসকল এতিয়া ব্যৱসায়িক দিশত আগবাঢ়িছে । কাটাৰিয়াই গৃহমন্ত্ৰী শ্বাহক ৰাজ্যখনৰ সীমান্তকেন্দ্ৰিক বিবাদ সমাধানৰ বাবেও আহ্বান জনায় ৷ গৃহমন্ত্ৰী শ্বাহে বিষয়টোত প্ৰতিক্ৰিয়া প্ৰকাশ কৰি আইন-শৃংখলা অবিৰতভাৱে বজাই ৰখাৰ আশ্বাস প্ৰদান কৰে ।
অসমৰ লগতে ৰাজ্যপাল কাটাৰিয়াই গৃহমন্ত্ৰী শ্বাহৰ সৈতে ৰাজস্থানৰ সাম্প্ৰতিক ৰাজনীতি আৰু সমসাময়িক বিভিন্ন বিষয় সন্দৰ্ভতো আলোচনা কৰে । ৰাজ্যপাল কটাৰিয়াই মঙলবাৰে দিল্লীত ৰে’ল মন্ত্ৰী অশ্বিনী বৈষ্ণৱক সাক্ষাৎ কৰে । উদয়পুৰ-জয়পুৰ বন্দে ভাৰত ৰে’লৰ চলাচলৰ সময় সলনি কৰিবলৈ ৰে’ল মন্ত্ৰী বৈষ্ণৱক দাবী জনায় ৰাজ্যপাল কটাৰিয়াই ।
Glimpses from the interaction held with the Hon'ble Vice President, Hon'ble Prime Minister, Speaker of Loksabha and Union Cabinet Ministers in New Delhi.@VPIndia @narendramodi pic.twitter.com/YsTULjaTR8
— Gulab Chand Kataria (@Gulab_kataria) July 17, 2024
প্ৰতিৰক্ষা মন্ত্ৰী আৰু লোকসভাৰ অধ্যক্ষ ওম বিৰলাক সাক্ষাৎ
ৰাজ্যপাল কটাৰিয়াই দেশৰ প্ৰতিৰক্ষা মন্ত্ৰী ৰাজনাথ সিঙকো সাক্ষাৎ কৰি অসম আৰু মেৱাৰ ভ্ৰমণলৈ আমন্ত্ৰণ জনায় । ৰাজ্যপাল কটাৰিয়াই প্ৰতিৰক্ষা মন্ত্ৰী ৰাজনাথ সিঙৰ সৈতে সমসাময়িক বিভিন্ন বিষয় সন্দৰ্ভত বহু আলোচনা কৰে ।
উল্লেখ কৰা প্ৰয়োজন যে, পানী কমিলেও ৰাজ্যত মাৰ যোৱা নাই বানৰ সংহাৰ ৷ শেহতীয়াকৈ লাভ কৰা তথ্য মতে, আহাৰমহীয়া বানত মৃত্যু হোৱা লোকৰ সংখ্যাই 96 ৰ ঘৰ অতিক্ৰম কৰিছে ৷ একেদৰে এই বানত বহু শিশুৰো মৃত্যু ঘটিছে ৷
