নতুন দিল্লী : ভাৰতৰ পৰৱৰ্তী মুখ্য ন্যায়াধীশ হ'ব সঞ্জীৱ খান্না । কেন্দ্ৰই বৃহস্পতিবাৰে ন্যায়াধীশ সঞ্জীৱ খান্নাক ভাৰতৰ পৰৱৰ্তী মুখ্য ন্যায়াধীশ হিচাপে নিযুক্তি দিয়া সন্দৰ্ভত জাননী জাৰি কৰিছে । ন্যায়াধীশ খান্না ভাৰতৰ ৫১ সংখ্যক মুখ্য ন্যায়াধীশ হ'ব ।
ভাৰতৰ মুখ্য ন্যায়াধীশ ডি ৱাই চন্দ্ৰচূড়ে ১০ নৱেম্বৰত অৱসৰ গ্ৰহণ কৰিব । আইন মন্ত্ৰী অৰ্জুন ৰাম মেঘৱালে এক্সৰ এটা পোষ্টত কয়, "ভাৰতৰ সংবিধানে প্ৰদান কৰা ক্ষমতা প্ৰয়োগ কৰি মাননীয় ৰাষ্ট্ৰপতিয়ে ভাৰতৰ মাননীয় মুখ্য ন্যায়াধীশৰ সৈতে আলোচনা কৰাৰ পিছত ভাৰতৰ উচ্চতম ন্যায়ালয়ৰ ন্যায়াধীশ সঞ্জীৱ খান্নাক ১১ নৱেম্বৰৰ পৰা ভাৰতৰ মুখ্য ন্যায়াধীশ হিচাপে নিযুক্তি দি আনন্দিত হৈছো ।"
In exercise of the power conferred by the Constitution of India, Hon’ble President, after consultation with Hon’ble Chief Justice of India, is pleased to appoint Shri Justice Sanjiv Khanna, Judge of the Supreme Court of India as Chief Justice of India with effect from 11th…
— Arjun Ram Meghwal (@arjunrammeghwal) October 24, 2024
শেহতীয়াকৈ মুখ্য ন্যায়াধীশ ডি ৱাই চন্দ্ৰচূড়ে আইন মন্ত্ৰালয়লৈ পত্ৰ লিখি উচ্চতম ন্যায়ালয়ৰ জ্যেষ্ঠ ন্যায়াধীশ সঞ্জীৱ খান্নাক তেওঁৰ উত্তৰাধিকাৰী হিচাপে মনোনীত কৰিছিল ।
গুৰুত্বপূৰ্ণ ৰায়দানৰ অংশ ন্যায়াধীশ সঞ্জীৱ খান্না
ইফালে ন্যায়াধীশ খান্না কেইবাটাও গুৰুত্বপূৰ্ণ ৰায়দানৰ অংশ আছিল । কেন্দ্ৰীয় ভিষ্টা প্ৰকল্প সম্পৰ্কীয় ৰায়ত তেওঁ এক বিচাৰপীঠ অংশ আছিল । ন্যায়াধীশ খান্নাৰ নেতৃত্বত এখন বিচাৰপীঠে দিল্লীৰ আবকাৰী নীতিৰ গোচৰত দিল্লীৰ প্ৰাক্তন মুখ্যমন্ত্ৰী অৰবিন্দ কেজৰিৱালক ইডি গোচৰত অন্তৱৰ্তীকালীন জামিন প্ৰদান কৰিছিল ।
সংবিধানৰ অনুচ্ছেদ ৩৭০ বাতিল কৰাৰ এক ৰায়ৰ সময়ত তেওঁ সংবিধান বিচাৰপীঠৰ অংশ আছিল । ২০১৮ ৰ নিৰ্বাচনী বণ্ড আঁচনি বাতিল কৰা বিচাৰপীঠৰো তেওঁ অংশ আছিল ।
তেওঁ ১৯৮৩ চনত দিল্লীৰ বাৰ কাউন্সিলত অধিবক্তা হিচাপে অংশগ্ৰহণ কৰিছিল । তেওঁ প্ৰথমতে দিল্লীৰ তিছ হাজাৰী কমপ্লেক্সৰ জিলা আদালতত আৰু পিছত দিল্লী উচ্চ ন্যায়ালয়ত আৰু সাংবিধানিক আইন, প্ৰত্যক্ষ কৰ, মধ্যস্থতা, বাণিজ্যিক আইন, কোম্পানী আইন, ভূমি আইন, পাৰিপাৰ্শ্বিক আইন আৰু চিকিৎসাৰ অৱহেলাৰ দৰে বিভিন্ন ক্ষেত্ৰত ন্যায়াধীকৰণৰ অনুশীলন কৰিছিল ।
আয়কৰ বিভাগৰ জ্যেষ্ঠ স্থায়ী পৰামৰ্শদাতা হিচাপে তেওঁৰ দীঘলীয়া কাৰ্যকাল আছিল । ২০০৪ চনত তেওঁক দিল্লীৰ বাবে স্থায়ী পৰামৰ্শদাতা (অসামৰিক) হিচাপে নিযুক্ত কৰা হৈছিল । ন্যায়াধীশ খান্নাক ২০০৫ চনত দিল্লী উচ্চ ন্যায়ালয়ৰ অতিৰিক্ত ন্যায়াধীশ হিচাপে উন্নীত কৰা হৈছিল আৰু ২০০৬ চনত স্থায়ী ন্যায়াধীশ হিচাপে দায়িত্ব দিয়া হৈছিল ।
২০১৯ চনৰ ১৮ জানুৱাৰীত তেওঁক উচ্চতম ন্যায়ালয়ৰ ন্যায়াধীশ হিচাপে উন্নীত কৰা হৈছিল । তেওঁ ২০২৩ চনৰ ১৭ জুনৰ পৰা ২৫ ডিচেম্বৰলৈ উচ্চতম ন্যায়ালয় আইনী সেৱা সমিতিৰ অধ্যক্ষ পদত অধিষ্ঠিত আছিল । তেওঁ বৰ্তমান ৰাষ্ট্ৰীয় আইনী সেৱা প্ৰাধিকৰণৰ কাৰ্যবাহী অধ্যক্ষ আৰু ভূপালৰ ৰাষ্ট্ৰীয় ন্যায়িক একাডেমীৰ পৰিচালনা সমিতিৰ পৰামৰ্শদাতাৰ সদস্য ।
লগতে পঢ়ক :দেশৰ পৰৱৰ্তী মুখ্য ন্যায়াধীশ হিচাপে সঞ্জীৱ খান্নাৰ নাম প্ৰস্তাৱ ডি ৱাই চন্দ্ৰচূড়ৰ
