নেশ্যনেল ডেস্ক, 9 জুন : এক শোকাৱহ ঘটনাত 9 জন লোক নিহত হোৱাৰ লগতে 33 জন লোক আহত হৈছে ৷ সন্ত্ৰাসবাদীৰ আক্ৰমণৰ বাবে সংঘটিত হৈছে এই ভয়ংকৰ ঘটনা ৷ জম্মু-কাশ্মীৰৰ ৰিয়াছি জিলাত দেওবাৰে সংঘটিত হয় এই ঘটনা ৷
জানিব পৰা মতে জম্মু-কাশ্মীৰৰ ৰিয়াছি জিলাত সন্দেহযুক্ত সন্ত্ৰাসবাদীয়ে গুলীচালনা কৰাৰ ফলত তীৰ্থ যাত্ৰী কঢ়িয়াই অনা এখন বাছ গভীৰ খাৱৈত বাগৰি পৰাৰ ফলত কমেও 9 জন লোক নিহত হোৱাৰ লগতে 33 জন আহত হয় ৷
সংবাদ সংস্থা পি টি আইয়ে ৰিয়াছিৰ এছ এছ পি মোহিতা শৰ্মাৰ উদ্ধৃতিৰে কয়- "সন্ত্ৰাসবাদীয়ে তীৰ্থযাত্ৰী কঢ়িয়াই নিয়া এখন বাছত গুলীচালনা কৰে, 9 জন লোক নিহত আৰু 33 জন আহত হয় ৷" শিৱ খোৰী মন্দিৰলৈ যাওঁতে তীৰ্থযাত্ৰীসকলক লৈ যোৱা বাছখন পোনি অঞ্চলৰ তেৰিয়াথ গাঁৱত আক্ৰমণৰ সন্মুখীন হৈছিল বুলি সূত্ৰই কয় ৷ ঘটনাৰ পিচত এটা উদ্ধাৰ অভিযান আৰম্ভ কৰা হৈছিল আৰু আৰক্ষী, সেনা আৰু অৰ্ধসামৰিক বাহিনীৰ লোক ততাতৈয়াকৈ ঘটনাস্থলীত উপস্থিত হৈছিল বুলি কয় তেওঁলোকে ৷ ঘটনা সন্দৰ্ভত অধিক বিৱৰণৰ বাবে অপেক্ষা কৰা হৈছে ৷
