নেশ্যনেল ডেস্ক, ২৫ ফেব্ৰুৱাৰী : আইন শৃংখলা পৰিস্থিতি সন্দৰ্ভত পশ্চিমবংগৰ মুখ্যমন্ত্ৰী মমতা বেনাৰ্জীক আক্ৰমণ বিজেপি নেতা সুভেন্দু অধিকাৰীৰ । অধিকাৰীয়ে শনিবাৰে জৱাহৰলাল নেহৰু বিশ্ববিদ্যালয়ত উপস্থিত হৈ পশ্চিমবংগত অস্থিৰতাৰ সৃষ্টি হোৱাৰ গুৰুতৰ অভিযোগ কৰে । তেওঁ 'পশ্চিমবংগত মহিলাৰ বিৰুদ্ধে ৰাজনৈতিক হিংসাৰ বাস্তৱতা প্ৰকাশ' সন্দৰ্ভত এক আলোচনাচক্ৰত অংশগ্ৰহণ কৰে ।
য'ত বিজেপি নেতা সুভেন্দু অধিকাৰীয়ে কয় যে মমতা বেনাৰ্জীয়ে ইব্ৰাহীম লোদি মডেলটো পশ্চিমবংগলৈ লৈ আহিছে । এই লোকসকলে পশ্চিবংগক ভাৰতৰ পৰা দূৰৈত ৰাখিবলৈ কাম কৰি আছে । বিজেপি নেতাগৰাকীৰ মতে প্ৰধানমন্ত্ৰী নৰেন্দ্ৰ মোদীয়ে নাৰী শক্তিৰ কথা কয় ।
মহিলা সংৰক্ষণ বিধেয়ক গৃহীত হৈছে আৰু কেইদিনমানৰ ভিতৰতে ইয়াক কাৰ্যকৰী কৰা হ'ব । সন্দেশখালী হিংসা সন্দৰ্ভত বিজেপি নেতাগৰাকীয়ে কয় যে তাত মানুহক অত্যাচাৰ কৰা হৈছে । তেওঁৰ বিৰুদ্ধে ৪০ টা গোচৰ ৰুজু কৰা হৈছে বুলিও নেতাগৰাকীয়ে উল্লেখ কৰে ।
