নিউজ ডেস্ক, ১০ ছেপ্টেম্বৰ : পুনৰ হিংসাত্মক ঘটনাই মূৰ দাঙি উঠিছে মণিপুৰত । বিগত ডেৰ বছৰৰো অধিক সময় ধৰি গোষ্ঠীগত সংঘৰ্ষত মণিপুৰ জ্বলি আছে । মাজতে পৰিস্থিতি কিছু স্বাভাৱিক অৱস্থালৈ ঘূৰি আহিছিল যদিও বিগত মাহৰ পৰা পুনৰ উত্তপ্ত হৈ পৰিছে উত্তৰ-পূবৰ ৰাজ্যখন । ইতিমধ্যে এই শেহতীয়া হিংসাত ৮ জনতকৈও অধিক লোকে প্ৰাণ হেৰুৱাইছে ।
ऐसा लगता है कि मणिपुर में हो रही हिंसा के बावजूद वहां का दौरा करने को प्रधानमंत्री जी ने अपनी प्रतिष्ठा का मुद्दा बना लिया है। वहां राज्यपाल आवास एवं मुख्यमंत्री के घर जैसे सुरक्षित स्थानों तक पर लगातार हमले हो रहे हैं परन्तु केन्द्र सरकार का इस ओर कोई विशेष ध्यान नहीं है। मणिपुर…
— Ashok Gehlot (@ashokgehlot51) September 10, 2024
আনহাতে, মণিপুৰত চলি থকা হিংসাত্মক ঘটনাৰ মাজতে ৰাজস্থানৰ প্ৰাক্তন মুখ্যমন্ত্ৰী অশোক গেহলটে কেন্দ্ৰীয় চৰকাৰ আৰু প্ৰধানমন্ত্ৰী নৰেন্দ্ৰ মোদীৰ মনোভাবক আক্ৰমণৰ লক্ষ্য কৰি লৈছে । তেওঁ কয় যে প্ৰধানমন্ত্ৰীয়ে মণিপুৰ ভ্ৰমণক এক সন্মানৰ প্ৰশ্ন কৰি তুলিছে । বৰ্তমান তেওঁ তৎকালীনভাৱে মণিপুৰ ভ্ৰমণ কৰা উচিত ।
অশোক গেহলটে ছ'চিয়েল মিডিয়া প্লেটফৰ্ম এক্সত এক বিবৃতি জাৰি কৰি কয় যে মণিপুৰত হিংসাত্মক ঘটনা সংঘটিত হোৱা সত্ত্বেও প্ৰধানমন্ত্ৰীয়ে ৰাজ্যখনলৈ যোৱাটো তেওঁৰ সন্মানৰ বিষয় কৰি তুলিছে । ৰাজ্যপালৰ আৱাস আৰু মুখ্যমন্ত্ৰীৰ আৱাসৰ দৰে সুৰক্ষিত স্থানত নিৰন্তৰ আক্ৰমণ চলি আছে । কিন্তু কেন্দ্ৰীয় চৰকাৰে ইয়াৰ প্ৰতি কোনো বিশেষ মনোযোগ দিয়া নাই । মণিপুৰত অত্যাধুনিক অস্ত্ৰ আৰু ড্ৰোণ ব্যৱহাৰ কৰি অসামৰিক লোকৰ ওপৰত আক্ৰমণ চলোৱা হৈছে ।
গেহলটে লগতে লিখিছে যে তদানীন্তন প্ৰধানমন্ত্ৰী ৰাজীৱ গান্ধীয়ে অসমত শান্তি স্থাপনৰ বাবে ৰাজ্যখনত কংগ্ৰেছ দলৰ চৰকাৰক ভংগ কৰিবলৈও কুণ্ঠাবোধ কৰা নাছিল । যাৰ বাবে বৰ্তমান ৰাজ্যখনত শান্তিৰ বাতাৱৰণ প্ৰতিষ্ঠা হৈছে । বিৰোধী দলৰ নেতা ৰাহুল গান্ধীকে ধৰি বিৰোধী দলসমূহে প্ৰধানমন্ত্ৰী নৰেন্দ্ৰ মোদীক মণিপুৰ ভ্ৰমণৰ দাবী জনাইছে । সেয়ে প্ৰধানমন্ত্ৰীয়ে বৰ্তমান অকণো পলম কৰিব নালাগে আৰু মণিপুৰত শান্তি স্থাপনৰ বাবে প্ৰয়োজনীয় পদক্ষেপ গ্ৰহণ কৰিবলৈ মণিপুৰ ভ্ৰমণ কৰিব লাগে ।
