নিউজ ডেস্ক, ১১ ছেপ্টেম্বৰ : লোকসভাৰ বিৰোধী দলপতি ৰাহুল গান্ধীয়ে সংৰক্ষণ সন্দৰ্ভত কৰা মন্তব্যক তীব্ৰ সমালোচনা কৰিছে কেন্দ্ৰীয় গৃহমন্ত্ৰী অমিত শ্বাহে । জ্যেষ্ঠ বিজেপি নেতা অমিত শ্বাহে বুধবাৰে কয় যে ইয়াৰ দ্বাৰা পুনৰ এবাৰ কংগ্ৰেছৰ সংৰক্ষণবিৰোধী চৰিত্ৰ সন্মুখলৈ আনিছে ।
Standing with forces that conspire to divide the country and making anti-national statements have become a habit for Rahul Gandhi and the Congress party. Whether it is supporting the JKNC's anti-national and anti-reservation agenda in J&K or making anti-India statements on…
— Amit Shah (@AmitShah) September 11, 2024
অমিত শ্বাহে কয় যে যেতিয়ালৈকে দেশত বিজেপি আছে, কোনোৱে সংৰক্ষণ বাতিল কৰিব নোৱাৰে বা কোনোৱে দেশৰ নিৰাপত্তাৰ সৈতে হেতালি খেলিব নোৱাৰে । ৰাহুল গান্ধীয়ে আমেৰিকাৰ জৰ্জটাউন বিশ্ববিদ্যালয়ৰ ছাত্ৰ-ছাত্ৰীসকলৰ আগত কৰা মন্তব্যৰ পিছতে অমিত শ্বাহৰ এই মন্তব্য আহিছে । তাত ৰাহুল গান্ধীয়ে কৈছিল যে 'ভাৰত এক উপযুক্ত স্থান' হ'লেহে কংগ্ৰেছে সংৰক্ষণ বাতিল কৰাৰ কথা ভাবিব । কিন্তু এই মুহূৰ্তত সেইটো নহয় বুলি তেওঁ উল্লেখ কৰিছিল ।
এক্সৰ এটা পোষ্টত অমিত শ্বাহে কয়, "দেশক বিভাজন কৰাৰ ষড়যন্ত্ৰ কৰা আৰু দেশবিৰোধী মন্তব্য দিয়া শক্তিৰ সৈতে থিয় হোৱাটো ৰাহুল গান্ধী আৰু কংগ্ৰেছ দলৰ বাবে অভ্যাস হৈ পৰিছে ।"
তেওঁ লগতে কয় যে জম্মু-কাশ্মীৰত নেচনেল কনফাৰেন্সৰ 'দেশবিৰোধী আৰু সংৰক্ষণ-বিৰোধী কাৰ্যসূচী'ক সমৰ্থন কৰা ই হওক বা বিদেশী মঞ্চত 'ভাৰতবিৰোধী বিবৃতি' দিয়াই হওক, ৰাহুল গান্ধীয়ে দেশৰ নিৰাপত্তাৰ প্ৰতি 'সদায় ভাবুকি' দি আহিছে আৰু আৱেগক আঘাত কৰিছে ।
"ৰাহুল গান্ধীৰ এই মন্তব্যই আঞ্চলিকতাবাদ, ধৰ্ম আৰু ভাষিক পাৰ্থক্যৰ আৰ্হিত বিভেদ সৃষ্টি কৰা কংগ্ৰেছৰ ৰাজনীতিক সন্মুখলৈ আনিছে । দেশত সংৰক্ষণ বিলুপ্ত কৰাৰ কথা কৈ ৰাহুল গান্ধীয়ে পুনৰ এবাৰ কংগ্ৰেছৰ সংৰক্ষণ-বিৰোধী চৰিত্ৰ সন্মুখলৈ আনিছে ।" অমিত শ্বাহে লিখিছে । কেন্দ্ৰীয় গৃহ মন্ত্ৰীয়ে লগতে কয় যে বিৰোধী দলৰ লোকসভাৰ নেতাগৰাকীৰ মনত থকা চিন্তাবোৰে অৱশেষত মুখৰ শব্দ হিচাপে নিজৰ পথ বিচাৰি উলিয়াইছে ।
তেওঁ কয়, "মই ৰাহুল গান্ধীক ক'ব বিচাৰোঁ যে যেতিয়ালৈকে বিজেপি আছে, কোনোৱে সংৰক্ষণ বাতিল কৰিব নোৱাৰে বা দেশৰ নিৰাপত্তাৰ সৈতে কোনেও হেতালি খেলিব নোৱাৰে ।"
