ہماچل پردیش کے کانگڑا ضلع کے دھرمشالہ اور بالائی علاقوں میں بادل پھٹنے سے نشیبی علاقے میں آئی زبردست تباہی سے بھاگسوناگ سمیت کئی نشیبی علاقوں میں بڑی تباہی ہوئی ہے۔ سیلاب کے سبب نشیبی علاقے اور نالوں میں طغیانی آگئی ہے۔ متعدد مکان، جھگی جھوپڑیاں اور سڑکوں پر کھڑی گاڑیاں پانی میں بہہ جانے سے کئی پلوں کو بھی نقصان پہنچا ہے۔ قدرت کے اس قہر سے ندی نالوں کے آس پاس تباہی کا منظر ہے۔ کسی دیگر آفت کے خدشے سے لوگوں میں خوف ہے۔