پورے ملک میں جمعہ کے روز عید منائی گئی۔ ملک کے کئی حصوں میں سخت لاک ڈاؤن کی وجہ سے لوگ مساجد میں عید الفطر کی نماز ادا نہیں کر پائے تو کہیں جزوی لاک ڈاؤن کی وجہ سے محدود لوگوں کو مساجد میں عید الفطر کی نماز ادا کرنے کا موقع نصیب ہوا۔
مغربی بنگال میں بھی جزوی لاک ڈاؤن کی وجہ سے مساجد میں محدود افراد کو کووڈ پروٹوکول کے ساتھ نماز پڑھنے کی اجازت ملی۔ حکومت مغربی بنگال کے وزیر اور ترنمول کانگریس کے رہنما فرہاد حکیم نے عید کی نماز کووڈ پروٹوکول کے تحت چیتلا کی مسجد میں ادا کی۔
اس موقع پر انہوں نے کہا کہ آج انہوں نے عید کے پاک دن کے موقع پر سب کے لئے سلامتی کے لئے دعا کی۔ اس کے علاوہ کورونا کے قہر سے سلامتی کی دعا کی۔ اس کے ساتھ ہی انہوں نے کہا کہ بنگال میں جو بھائی چارہ تھا، مذہبی رواداری تھی جہاں تمام مذاہب کے لوگ متحد ہو کر رہتے ہیں۔ ان حالات کو بحال کرنے کے لئے اور فرقہ پرستی سے بنگال کو جس طرح اس بار بھی بچائے رکھا۔ اس کے لئے اللہ کا لاکھ لاکھ شکریہ ادا کیا۔
مزید پڑھیں:
آج عید کے موقع پر اللہ سے دعا کی کہ تمام انسانیت سلامت رہے۔ اللہ سے دعا ہے کہ جس طرح وزیر اعلیٰ ممتا بنرجی بنگال کو آگے لے جا رہی ہیں اسی طرح اللہ سے دعا ہے کہ پورے ملک کو اس طرح کی قیادت ملے۔