اسلام پور:مغربی بنگال کے ضلع شمالی دنیاج پور کے گوال پوکھر کےپنجی پاڑہ پنچایت کے پردھان(ترنمول کانگریس) کو نامعلوم شرپسندوں نے گولی مار کر ہلاک کردیا گیا۔اس سے پورے علاقے میں سنسنی پھیل گئی، ترنمول کانگریس نے احتجاج کرتے ہوئے اس معاملے میں ملوث شرپسندوں کی گرفتاری کا مطالبہ کیا۔
ذرائع کے مطابق پنجی پاڑہ کے پنچایت سربراہ محمد راہی کو مبینہ طور پر اس وقت گولی مار دی گئی جب وہ بدھ کو پنچایت دفتر سے باہر نکلے تھے اسی وقت بدمعاشوں نے دوبارہ ان پر فائرنگ کردی ۔ انہیں 2 گولیاں لگیں۔ ایک پیٹ پر ہے، دوسرا ہاتھ پر ہے۔ سب سے پہلے انہیں تشویشناک حالت میں بہار کے کشن گنج میڈیکل کالج لے جایا گیا۔ وہاں سے انہیں سلی گڑی کے ایک پرائیویٹ اسپتال میں منتقل کیا گیا۔ ترنمول پنچایت سربراہ کا وہیں انتقال ہو گیا۔ موت کے بعد ان کی لاش کو نارتھ بنگال میڈیکل کالج سلی گڑی لے جایا گیا جہاں پوسٹ مارٹم کیا جائے گا۔