پرتاپ گڑھ: ریاست اترپردیش میں پرتاپ گڑھ ضلع کے ایڈیشنل سیشن جج (ایف ٹی سی ) کندن کشور کی عدالت نے جہیز کے معاملے میں قتل کے مجرم شوہر کو دس سال کی قید و جرمانہ کی سزا سنائی ۔ استغاثہ کے بموجب مدعی مقدمہ دھیرج کمار یادو نے تھانہ رانی گنج میں 20/ستمبر 2015 کو شکایت دے کر الزام عائد کیا کہ اس کی چچازاد بہن بیبی یادو کی شادی دیپک کمار یادو ساکن املی ڈانڑ تھانہ رانی گنج کے ساتھ وقوعہ سے دو سال قبل ہوئی تھی ۔ Murder in Dowry Case in Pratapgarh
شادی کے بعد شوہر دیپک و سسرال کے دیگر لوگ جہیز میں بائک وغیرہ کا مطالبہ کر اذیتیں دیتے تھے ۔20/ستمبر 2015 کو اطلاع موصول ہوئی کہ بیبی کی طبیعت خراب ہے ،جب وہ پہونچا تو دیکھا کہ بیبی کی لاش جلی ہوئی حالت میں کمرے میں پڑی تھی ۔پولیس نے شکایت کی بنیاد پر کیس درج کر فرد جرم دیپک کے خلاف عدالت میں داخل کی۔