امفان طوفان کے پیش نظر اسپائس جیٹ کے طیارے کولکاتہ سے وارانسی منتقل

خلیج بنگال میں سپر سائیکلون امفان کے باعث نقصان کے خدشات کے پیش نظر نجی ایئر لائن اسپائس جیٹ نے اپنے تین اے ٹی آر طیارے کو کولکاتہ ایئرپورٹ سے وارانسی منتقل کر دیا ہے۔ جب تک کولکاتہ کا موسم بہتر نہیں ہو جاتا، تینوں طیارے وارانسی ہوائی اڈے پر ہی رہیں گے۔

سپر سائیکلون امفان کی وجہ سے بنگال میں کافی تباہی کا امکان ہے۔ ایسی صورتحال میں لاک ڈاؤن کی وجہ سے بند پڑے ہوائی سفر کی وجہ سے کولکاتہ ہوائی اڈے پر کھڑی اسپائس جیٹ ایئر لائن کے طیاروں کو نقصان پہنچنے کا خدشہ ہے۔

اس کے پیش نظر ایئر لائن نے اپنے تین طیارے کولکاتہ سے وارانسی منتقل کر دئے ہیں۔ جب تک کولکتہ میں صورتحال معمول بن نہیں جاتا، طیارے کو وارانسی ہوائی اڈے پر ہی رکھا جائے گا۔ منگل کی شام تینوں طیارے وارانسی پہنچے۔

24 مارچ کو لاک ڈاؤن کے اعلان کے بعد ہی وارانسی میں ہوائی خدمات مکمل طور پر بند ہیں۔

منگل کی شام سپر سائیکلون امفان کی وجہ سے لاک ڈاؤن کے درمیان لوگوں نے محسوس کیا کہ ہوائی جہازوں نے ہوائی اڈے پر لینڈنگ شروع کردی ہے۔

بہت سے لوگوں نے فون کر کے اس کے بارے میں معلومات حاصل کیں۔

واضح رہے کہ امفان کا اثر اوڈیشہ اور مغربی بنگال کے کئی علاقوں میں ظاہر ہونا شروع ہوگیا ہے۔ متعدد علاقوں میں تیز بارشوں کے ساتھ تیز ہوائیں چلنا شروع ہو گئی ہیں۔