امروہہ میں ایس ڈی ایم نے غیرقانونی تعمیرات کو منہدم کردیا

امروہہ ضلع کے گجرولا میں ڈپٹی کلکٹر وویک یادو کی سربراہی میں غیرقانونی تعمیرات کو منہدم کردیا گیا۔ کاروائی کے موقع پر پولیس کی بڑی تعداد میں تعیناتی کی گئی تھی۔

ریاست اترپردیش کے ضلع امروہہ کے تحصیل منڈی دھنورا کے ڈپٹی ڈسٹرکٹ مجسٹریٹ وویک یادو نے بڑی کارروائی کو انجام دیا ہے۔ ایس ڈی ایم نے جونیئر انجینئر مرادآباد ڈیولپمنٹ اتھارٹی، سی او ستیندر سنگھ اور پولیس فورس کے ہمراہ غیر قانونی پلاٹنگ مسمار کرنے کی کاروائی کو انجام دیا۔

انتظامیہ کی کارروائی کو دیکھ کر غیرقانونی پلاٹنگ کرنے والے افراد فرار ہوگئے۔ اس موقع پر ایس ڈی ایم وویک یادو نے بتایا کہ غیرقانونی پلاٹنگ کرنے والوں کے خلاف کاروائی کی گئی جبکہ ان کے خلاف مقدمہ بھی درج کرایا جائے گا۔