رامپور: کورونا کے 11 نئے مثبت مریض ملے

ریاست اترپردیش کے ضلع رامپور میں گذشتہ 24 گھنٹوں کے دوران 11 نئے کورونا پازیٹیو مریضوں کی تصدیق ہو جانے کے بعد کورونا پازیٹیو مریضوں کی مجموعی تعداد 142 ہو گئی ہے۔ جبکہ 30 لوگ شفایاب ہونے پر ڈسچارج بھی کئے جا چکے ہیں۔

رامپور ضلع سے 6 اکتوبر کو جانچ کے لئے 538 سیمپل بھیجے گئے تھے۔ جن میں 513 منفی آئے اور 5 مثبت تصدیق کئے گئے۔ اس کے ساتھ ہی 18 رپیٹ سیمپل بھی شامل ہیں۔

اسی طرح 8 اکتوبر کو جانچ میں 5 افراد پازیٹیو تصدیق کئے گئے۔ 8 اکتوبر کو ہی دوسری رپورٹ میں ایک شخص پازیٹیو پایا گیا۔

اس طرح مجموعی طور پر تین جانچ رپورٹوں میں 11 لوگ پازیٹیو تصدیق کئے گئے اور 30 لوگ شفایاب ہونے کے بعد ضلع میں کورونا پازٹیو مریضوں کی تعداد 142 ہو گئی ہے۔

وہیں اب تک ضلع میں کووڈ 19 سے ہلاک ہونے والے افراد کی تعداد 40 ہے۔