بھارتیہ کسان یونین کے کسان زرعی قوانین کے خلاف نوئیڈا میں ایسٹرن پیریفیرل ایکسپریس وے پر جمع ہوئے اور ٹریکٹر ریلی نکالی اور زرعی قوانین میں ترامیم واپس لینے کی اپیل کی۔
انتہائی پرسکون اور منظم طریقہ سے کسانوں نے ریلی نکال کر اپنی طاقت کا مظاہرہ کیا۔ کسانوں کے بڑھتے ہوئے ہجوم کو دیکھ کر پولیس نے سرسا گاؤں سمیت متعدد جگہوں پر بیریکیڈنگ کر کے گاڑیوں کو ایکسپریس وے پر جانے سے روک دیا۔
اترپردیش سمیت ہریانہ اور راجستھان کے کسانوں نے ریلی میں شرکت کی۔ شام چار بجے بھارتیہ کسان یونین کے رہنما راکیش ٹکیت کے خطاب کے بعد کسان واپس لوٹے۔ راکیش ٹکیٹ نے کہا کہ 'حکومت کو تینوں زرعی قوانین واپس لینے کے ساتھ ساتھ ایم ایس پی سے متعلق قانون سازی کرنی ہوگی۔ کسان تحریک کو ختم نہیں کریں گے۔ اگر کاشتکاروں کے مطالبات کو پورا نہیں کیا گیا تو جلد ہی چکہ جام کیا جائے گا'۔