ریاست اترپردیش کے ضلع گوتم بدھ نگر کے شہر نوئیڈا صحت عامہ کی مختلف خدمات کا آپریشن اور نگرانی ایک جگہ پر کی جاسکے، اس کے لیے محکمہ پبلک ہیلتھ نے ڈھائی کروڑ روپے کی لاگت سے ایچ سی ایل فاؤنڈیشن کے تعاون سے سیکٹر 39 میں سینٹرلائزڈ کمانڈ کنٹرول سینٹر تعمیر کیا ہے۔ نوئیڈا اتھارٹی کی چیف ایگزیکٹو آفیسر ریتو مہیشوری نے کمانڈ کنٹرول سینٹر کا افتتاح کیا۔
مرکزی کمانڈ کنٹرول سینٹر کا افتتاح کرتے ہوئے نوئیڈا اتھارٹی کی سی ای او ریتو مہیشوری نے کہا کہ اس کنٹرول روم سے محکمہ صحت عامہ سے متعلق مختلف خدمات کا آپریشن اور نگرانی ایک جگہ سے کی جاسکتی ہے۔ اس سے نوئیڈا کے رہائشی صفائی سے متعلق بہترین صحت عامہ کی خدمات حاصل کرسکیں گے۔