اقلیتوں کو تمام سرکاری منصوبوں سے فائدہ پہنچایا جا رہا ہے: بی جے پی رہنما

بی جے پی اقلیتی مورچہ، مغربی اترپردیش کے صدر جاوید ملک نے کہا کہ بی جے پی حکومت بلا تفریق اقلیتوں کو تمام منصوبوں کا فائدہ پہنچا رہی ہے۔ اس سے پہلے کی حکومتوں نے اقلیتوں کو صرف ووٹ بینک کے لیے استعمال کیا ہے۔

مغربی اترپردیش میں بی جے پی اقلیتی مورچہ کے صدر جاوید ملک آج مراد آباد کے سرکٹ ہاؤس پہنچے ہیں، جہاں پہلے سے موجود بی جے پی کے کارکنوں نے ان کا زوردار استقبال کیا اور جم کر نعرے لگائے۔

اس دوران جاوید ملک نے اقلیتوں کے تعلق سے بات کرتے ہوئے میڈیا کو بتایا کہ 'بی جے پی حکومت کی جانب سے بلا تفریق اقلیتوں کو تمام منصوبوں کا فائدہ دیا جارہا ہے۔

انہوں نے کہا کہ اس سے پہلے کی حکومتوں نے اقلیتوں کو صرف ووٹ بینک کے لیے استعمال کیا اور تمام تر مرکزی منصوبوں سے انہیں محروم رکھا گیا۔ اس کی وجہ سے اقلیت طبق آج بھی ترقی سے محروم ہے۔

جاوید ملک نے کہا کہ بھارتیہ جنتا پارٹی سب کا ساتھ سب کا وکاس اور سب کا وشواس میں یقین رکھتی ہے اور اسی تحت کام کرتی ہے۔