حیدرآباد: لیفٹیننٹ کرنل وی وی بی ریڈی کا جسد خاکی کو جمعہ کی رات بیگم پیٹ ایئر فورس اسٹیشن لایا گیا۔ وزارت دفاع کی طرف سے جاری کردہ ایک ریلیز کے مطابق، لیفٹیننٹ کرنل وی وی بی ریڈی کو پورے فوجی اعزاز کے ساتھ خراج عقیدت پیش کیا گیا اور فوج کے تلنگانہ-آندھرا پردیش کے ذیلی خطے کی کمانڈ کرنے والے کارگزار جنرل آفیسر کمانڈنگ بریگیڈیئر کے سومشنکر نے جسد خاکی پر پھول چڑھایا۔ جسد خاکی کو حیدرآباد سے ملکاجگیری میں ریڈی کی رہائش گاہ لے جایا گیا اور امکان ہے کہ ہفتہ کو ان کی آخری رسومات ادا کی جائیں گی۔
خاندانی ذرائع نے بتایا کہ نیشنل ڈیفنس اکیڈمی (این ڈی اے) کے سابق طالب علم لیفٹیننٹ کرنل ریڈی گزشتہ تقریباً 20 سالوں سے فوج میں خدمات انجام دے رہے تھے۔ ان کے خاندان میں اہلیہ اور دو بیٹیاں ہیں۔ ان کی بیوی فوج میں ڈینٹسٹ ہیں۔ خاندانی ذرائع نے بتایا کہ لیفٹیننٹ کرنل ریڈی کا خاندان ملکاجگیری علاقہ میں رہتا ہے۔ وہ اصل میں تلنگانہ کے یادادری بھونگیر ضلع کے بوملا رامارام گاؤں کا رہنے والے تھے۔ واضح رہے کہ آرمی کا ایک چیتا ہیلی کاپٹر جمعرات کی صبح اروناچل پردیش کے مغربی کامنگ ضلع کے مانڈلا کے قریب گر کر تباہ ہو گیا، جس میں لیفٹیننٹ کرنل وی وی بی ریڈی اور کو پائلٹ میجر جئے ناتھ اے کی موت ہو گئی۔