حیدرآباد: ٹریفک سگنل پر صوتی میٹر لگانے کی تیاری

حیدرآباد ٹریفک پولیس، صوتی آلودگی کی روک تھام کے لئے ٹریفک سگنل پر صوتی میٹر لگائے گی۔

ریاست تلنگانہ کے دارالحکومت حیدرآباد میں صوتی آلودگی کو کم کرنے کے لئے حیدرآباد ٹریفک پولیس 'ٹریفک سگنلز' پر آواز کی پیمائش کے میٹر لگانے کی کوشش کر رہی ہے تاکہ صوتی آلودگی کو کم کیا جا سکے۔

حیدرآباد ایڈیشنل کمشنر آف پولیس (ٹریفک) انل کمار نے بتایا کہ 'حیدرآباد ٹریفک پولیس نے پہلے ہی گریٹر حیدرآباد میونسپل کارپوریشن (جی ایچ ایم سی) کمشنر کو شہر کے اہم مقامات پر جہاں آواز کی آلودگی بہت زیادہ ہوتی ہے، صوتی پیمائش کے میٹروں کی تنصیب کے بارے میں خط لکھا ہے۔'

انہوں نے مزید کہا کہ'ہم ممبئی ٹریفک پولیس سے رابطے میں ہیں جنہوں نے پہلے ہی اس طرح کے میٹر لگائے ہیں۔'

انہوں نے یہ بھی کہا کہ اس اقدام کے حوالے سے رائے عامہ بھی اہم ہے۔