وادی کے لوگ بے چینی اور اضطراب کا شکار ہیں، لوگ عام ضرورت کی چیزوں کے ساتھ ساتھ پیڑول کا بھی ذخیرہ کر رہے ہیں۔ اس تناظر میں وادی کے اکثر پٹرول پمپس پر زبردست بھیڑ دیکھی جا رہی ہے۔
ایڈوائزری کے سبب کشمیر میں خوف و ہراس
ریاست جموں و کشمیر کے گورنر انتظامیہ کی جانب سے جاری کردہ ایڈوائزری کے سبب وادی کشمیر میں شدید خوف و ہراس کا ماحول ہے اور طرح طرح کی افواہوں اور قیاس آرائیوں کا بازار گرم ہے۔
ایڈوائزری نے کشمیر میں شدید خوف و ہراس پیدا کیا
واضح رہے کہ جموں و کشمیر حکومت نے آج ایک ایڈوائزری جاری کی جس میں وادی کشمیر میں موجود امرناتھ یاتریوں اور سیاحوں کو فوری طور پر واپس لوٹ جانے کی ہدایت دی گئی ہے۔
ایڈوئزری میں کہا گیا ہے کہ خفیہ اطلاعات ہیں کہ یاترا کو نشانہ بنایا جا سکتا ہے۔
ایڈوئزری ریاستی محکمہ داخلہ کے پرنسپل سکریٹری شالین کابرا کی طرف سے جاری کی گئی ہے۔ اس کو 'سکیورٹی ایڈوائری' کا نام دیا گیا ہے جبکہ ایڈوائزری میں لکھا ہے کہ یہ جموں و کشمیر ابتظامیہ کے حکم سے جاری کی گئی ہے۔