جموں و کشمیر، ضلع ریاسی کے تھاپا چوک پر مسافروں کی راحت کے لیے بنائے گئے شیڈ کی حالت کافی زیادہ خستہ ہے جبکہ یہ پیسنجر شیڈ ڈپٹی کمشنر دفتر سے کچھ ہی فاصلے پر واقع ہے۔
ریاسی: پیسنجر شیڈ کی بدتر حالت، مسافر پریشان
ضلع ریاسی میں ڈپٹی کمشنر کے دفتر سے کچھ ہی دوری پر واقع تھاپا چوک پر تعمیر شدہ پیسنجر شیڈ میں گندگی ہونے سے مسافروں کو کافی مشکلات کا سامنا کرنا پڑتا ہے۔ مسافروں نے انتظامیہ سے اس پیسنجر شیڈ کو جلد سے جلد صاف کرانے کا مطالبہ کیا ہے۔
ریاسی: پیسنجر شیڈ کی بدتر حالت، مسافر پریشان
موسم گرما میں مسافروں کو راحت پہنچانے کے بجائے پیسنجر شیڈ پر گندگی کا انبار ہے لیکن اس کی مرمت نہ کرائے جانے کی وجہ سے پیسنجر شیڈ کی حالت بد سے بدتر ہوتی جارہی ہے، اگرچہ اس مقام سے روزآنہ ڈپٹی کمیشنر دفتر کی جانب بڑے بڑے افسران جاتے ہیں لیکن ہر کوئی اس پیسنجر شیڈ کو نظر انداز کر رہا ہے۔
مقامی لوگوں نے انتظامیہ سے مطالبہ کیا ہے کہ اس پیسنجر شیڈ کو جلد سے جلد صاف کرایا جائے تاکہ گرمیوں کے موسم میں دور دراز سے آنے والے مسافروں کو پریشانیوں کا سامنا نہ کرنا پڑے۔