رام بن پولیس Ramban Police arrest Teacher نے ایک بیان جاری کرتے ہوئے کہا ہے کہ پولیس اسٹیشن رام بن میں کالی سنگھ ولد گنگا رام ساکن گنوت کی جانب سے ایک تحریری شکایت درج کرائی گئی جس میں شکایت کنندہ نے دعویٰ کیا تھا کہ دو دن قبل اس کے بہنوئی سنجے سنگھ کو منشیات کے معاملے کی تحقیقات کے سلسلے میں پولیس اسٹیشن رام بن طلب کیا گیا تھا۔
بیان میں انہوں نے مزید کہا ہے کہ سنجے سنگھ کو بحفاظت گھر والوں کے حوالے کرنے کیلئے علاقہ گنوت کی سرپنچ کے شوہر نریندر سنگھ ولد برج لال ساکنہ گنوت (جو پیشے سے ایک ٹیچر ہے) کو پولیس تھانہ رام بن میں بلایا گیا تھا تاکہ سنجے سنگھ کو گھر بھیجا جا سکے۔
شکایت کنندہ کالی سنگھ نے مزید کہا ہے کہ نریندر سنگھ نے انہیں بتایا کہ پولیس اس کے بہنوئی سنجے سنگھ کو رہا کرنے کے لیے ایک لاکھ روپے کا مطالبہ کر رہی ہے اور وہ 50 ہزار روپئے میں معاملہ طے کرنے میں ان کی مدد کر سکتا ہے۔ اس مانگ سے گھبرا کر الجھن کے عالم میں کالی سنگھ نے ملزم نریندر سنگھ (سرکای ٹیچر) کو30 ہزار روپئے کی پیشگی رقم نقد ادا کردی۔
مبینہ طور دھوکہ دیہی کے اس کیس میں ملوث ملزم نریندر سنگھ ایک اسکول ٹیچر ہے اور گنوت پنچایت میں اس کی اہلیہ پنچایت نمائندہ بھی ہے۔