'مجھے بچوں کی موت پر ذاتی افسوس ہے'

کوٹہ کے جے کے لون اسپتال میں گزشتہ 24 گھنٹوں کے دوران 9 بچوں کی اموات پر لوک سبھا اسپیکر اوم برلا نے افسوس کا اظہار کرتے ہوئے کہا کہ وہ اس معاملے پر ریاستی حکومت سے بات کریں گے اور اس کا حل تلاش کرنے کی ہر ممکن کوشش کریں گے۔

ریاست راجستھان کے کوٹہ جے کے لون ہسپتال میں گذشتہ 24 گھنٹوں کے دوران 9 بچوں کی ہلاکت پر لوک سبھا اسپیکر اوم برلا نے کہا کہ 'ہسپتال انتظامیہ سے اس واقعے کے بارے میں معلومات لی ہیں اور اس سلسلے میں عہدیداروں سے تبادلہ خیال کیا جا رہا ہے۔'

انہوں نے افسوس کا اظہار کرتے ہوئے کہا کہ 'اس حادثے پر انہیں ذاتی طور پر تکلیف ہوئی ہے، اس کے لیے ریاستی حکومت سے بات کی جائے گی اور یہاں کے انفراسٹرکچر اور عملے میں اضافہ کیا جائے گا۔'

لوک سبھا اسپیکر اوم برلا نے میڈیا سے بات چیت کرتے ہوئے کہا کہ 'ہم ریاستی حکومت سے بات کریں گے اور اس کا حل تلاش کرنے کی کوشش کریں گے۔ جے کے لون ہسپتال کوٹہ ڈویژن کا ایک بہت بڑا اسپتال ہے اور مجھے بچوں کی موت پر ذاتی افسوس ہے۔'

لوک سبھا اسپیکر اوم برلا نے کہا کہ 'مکمل مانیٹرنگ نہ ہونے کی وجہ سے ہسپتال میں ایسے واقعات پیش آرہے ہیں، انہوں نے ریاستی حکومت سے عملہ بڑھانے کا مطالبہ کیا ہے۔'