پلوامہ: کورونا مریضوں کی مدد کرنے والے نوجوان

نوجوانوں کا کہنا ہے کہ وہ ان مریضوں کے ليے تب تک کھانے پینے کا انتظامات کرتے رہیں گے جب تک یہ بیماری ختم نہیں ہوتی۔

کورونا وائرس جیسی مہلک بیماری سے بچنے کے لیے جہاں ہر فرد اپنے آپ کو کو محفوظ رکھنے کی بھرپور کوشش کرتا ہے وہیں کچھ نوجوآن آج بھی اپنی زندگی کی پرواہ نہ کرتے ہوئے ضرورت مندوں کی بے لوس خدمت کرنے میں پیش پیش رہتے ہیں۔

انہی نوجوانوں میں ضلع پلوامہ کے پتل باغ پانپور سے تعلق رکھنے والے دو نوجوان ہیں۔ ان نوجوانوں نے انسانیت کے جزبے کو مدنظر رکھتے ہوئے کورونا وائرس جیسی مہلک بیماری میں لوگوں کی خدمت کرنے اور انہیں ضروریات کی چیزیں فراہم کرنے کا عہد کیا ہے۔

پتل باغ پانپور کے دو نوجوآن ارشاد احمد اور نظیر احمد نے کروناوائرس کی وبائی بیماری شروع ہوتے ہی لوگوں کی خدمت کرنے کا عہد کر لیا تھا اور وبا کے شروع سے ہی انہوں نے کووڈ سنٹر سامبورہ میں مثبت مریضوں کے ساتھ ساتھ طبی اور نیم طبی عملے کو کھانے پینے کی چیزیں فراہم کرنے میں کافی مشغول نظر آ رہے ہیں۔

ان نوجوانوں کا کہنا ہے کہ انہیں لوگوں کی خدمت کرنے میں کافی فخر محسوس ہوتا ہے۔ انہوں نے کہا کہ کورونا وائرس جیسی اس مہلک بیماری میں ان مریضوں کو کافی دکتوں کا سامنا درپیش رہتا ہے اس لیے انہوں نے ان مریضوں کی مشکلات کو دور کرنے کی غرض سے انہیں کھانے پینے کی چیزیں فراہم کرنے کا کام شروع کیا تاکہ ان مریضوں کو اس مشکل وقت میں کسی قسم کی مشکلات کا سامنا نہ کرنا پڑے۔

انہوں نے کہا وہ ان مریضوں کے ليے تب تک کھانے پینے کا انتظامات کرتے رہیں گے جب تک یہ بیماری ختم نہیں ہوتی۔