پلوامہ: جن ابھیان پروگرام کے تحت جنوبی کشمیر کے ترال علاقے میں واقع ہمدرد گرائمر اسکول میں ایک ’’میگا سپورٹس ایونٹ‘‘ کا انعقاد کیا گیا۔ اس موقع پر مختلف اسکولوں کے طلباء نے مختلف کھیل کود کے مظاہرے پیش کیے۔ ایونٹ کے دوران بہترین کارکردگی کا مظاہرہ کرنے والے کھلاڑیوں کو انعامات سے نوازا گیا۔ Mega Sports Event organized in South Kashmir’s tral area
سیکریٹری سپورٹس کونسل نزہت گل نے میڈیا نمائندوں کے ساتھ بات کرتے ہوئے کہا کہ ’’کشمیر میں کھیل کود کو بڑھاوا دینے کے لیے ٹھوس اقدامات کیے جا رہے ہیں اور ترال میں بھی بہت سے کھیل گاہوں کی تجدید ومرمت کے لیے کام شروع کیا گیا ہے۔‘‘ انہوں نے مزید کہا کہ ’’آنے والے وقت میں یہاں اس حوالے سے انقلاب آئے گا۔‘‘ Mega Sports Event in tral